Tõine kohhos sel sammal päiwal kohtomehhe ne samma

Tulli ette Jakop Troon ja kaibas et ollewat joba kattesa ajastaija mööda länno ollewat kui Johann Troon temma käest /19/ üttesä tõistkümme rubla lainano nink weel ei ollewa ärra masto seni päiwani, nüüd tahhap et Johann Troon temmale se anto 19 rubla ärra massas. 

Kutsoti ette Johann Troon nink saije Jakop Troon kaibus ette loetus kes selle pääle ütles om küll õige et minna temmale 19 rubla wõlgo olle, sest Jakop Troonil om minnole massa kuwwe ajastaja krundi rahha mes arwata 1/4 ehk 1/2 wakkamaa maad temma hoone all om tolle eest tahhan minna egga aasta päält 1 rubla tõine perremees näitko mes temma tahhap ja kuwwe ajastaja lehmä minno maa pääle käimisse eest /1 1/2/ üts rubla 50 kop sis olleme ligi weitulle temmäga tassa.- 

Otsus  Kohhos mõistis sest et Johann Troon mitte ülle liiga hinda ei olle omma wasta rechnungi eest nõudno tullep sest üllewätsest summast mahha 6 aasta krundi 1 rubla egga aasta päält se teep wälja      -     6 rubla

6 ajastaja lehme maa pääle käimisse eest a´ 1 1/2 rubla  aastaig se teep wälja 9 rubla ütte kokko 15 rubla sis peap Johann Troon Jakop Troonil weel 4 rubla wälja masma 8 päiwa sissen ehk wõip Jakop Troon tunnistusse perrä tood tõttes tettä et om wast egga aasta päiwiga tassa tenno ja Johann Trooni orjano, siis saap tolle ülle essi mõistus tetto. -

Sai kohto  Otsus nink § 773 ja 774 kohton kaiadelle ette loetus ent Jakop Troon es olle rahho et arwas hendäl liiga tetto ollewat pallel Protokolli mes kohhos ka lubbas anda. -