Ette tulliwa nõumehe Jakob Orraw ja Jakob Puustusmaa ja kaibsiwa kogokonna kohtule, et ennine pääkohtumees Michel Jõgewa ollew minewa sügise oksjoni kulu wõtnu 10 Rbl 44 kop. nema nõudwat, et see raha, kelle käest see wõetu ollew, neile tagasi saas mastus.

Wastut ennine Pääkohtumees Michel Jõgewa kogukonna kohtu poolt saanu 4 Kop. rubla päält oksjoni kulu määratus, et neile wälja saas mastus, kes kraami kokko wedawa ja perra lääwa. Wallawanemba käsu pääle 7 Rubla 8 Kop olnu raha sisse tulnu ja ka wälja mastus saanu 3 rubla 36 Kop., tema ei mälletawat kas om tema kätte saanu.

Wastut selle pääle wallawanemb A. Reimann, et tema om kogukonna kohut api pallelnu wallamassude sisse nõudmise tarbis, oksjoni kulu märatu kogukonna kohtu poolt, temal olnu enegi käsk olnu neide käest wõtta, kes kraami kohtumaija esi ei olle ära toonu, mes kirjotedus saanu. Oksjoni kulu raha tulnu sisse kige üle 10 rubla 44 Kop Kop. mes pääkohtumehe Jõgewa kätte saanu.

Otsus

neid nõumehi ka ülekullelda, kes oksjoni päiwal siin olnu, nimelt Jaan Mikson, Peep Kitz ja Peep Klais.

Pääkohtumees J. Kabist [allkiri]

Kohtumees P. Sillaots [allkiri]

       "             P. Klais [allkiri]