10. Mõtsa herra om käsko andnu perra kullelda kas se õige ollewat, et krono mõtsa waht Johan Paidrak, sedda mõtsa- wahhi-kottusse sitta omma naise essa ma pääle ollew wedanu, ni kui nema ma ollew kuulda sanu.

Se pääle sai moisa tallitetus mõtsa waht Johan Paidrak ja temma sullane Ado Wasser - muid tunnistajid  es olle üllesantu.

ja tunnistas Johan Paidrak: tema ollew kül kuus koormat sitta omma naise essa ma pääle widdanu, selleperrast et temma minewa talwe omma welle Jakobi käest, kes Karrilatsi ärra lännu kolm kümmend kubbu õlgi ostnu.

Ado Wasser ette kutsutu, tunnistas nisama, agga kas Johan Paidra ka tõttest õlgi ostnu, sedda temma ei tedwat, selleperrast et woib olla, et temma enne pole aja pääle mõtsa wahhi man teenman om,  ja ni modi teine näddal hopis temma poolt koddo lähhap.

Koggokonna kohtol sai weel moisa poolt mõtsa herrä käsk kulutetus, et koggokona kohhus selle ülle walwama peab, et mõtsa wahhi, rügga kõrraperrast saap mahha tettu, ja et mõtsa herra igga pudusse ehk holetusse eest, mes se man leidos,  koggokonna kohhut wastutama pannep.

Päkohtomees Peter Seba XXX

kohtomees Märt Porrila XXX

abbikohtomees Peter Paidra XXX

walla wöörmünder Johan Paidra XXX