Räppinä Moisa Wallitseja A Neisar kaibas kohto een, et, Räppinä moisa monak Hans Rikkandsoni naine Lisu teddä om sõimano tagga sellä wanduno ja teotano nällä hir ja muido, selle perräst et wallitseja polest teddä temmä mehhe läbbi om moisa mösso kästo möskma mindä Herrä kässo päle.

Lisu Rikkandsoni käest sai küssitu üttel temmä et minna ei tea keddägi söimano, et temmä om ennegi üttelno et Wallitseja wanna Emmänd om ni samma wanna kui temmä et temmäl ei olle tarwis möskma mindä olno ja Herrä ei olle temmäl üttelno.

Lisu Johhanson Tallmeistri naine tunnistas et Lisu om üttelno et möskma minna ealegi ei lähhe eggä minna sinno näitsik ei olle Kirjutaja Herrä pango issi omma wanna Emmänd ja Mala moskma ja wanna Herrä wõtko issi tölw kätte ja kaego kui hea om wanno lukessi raju rapputada.

Mala Hämmär tunnistas, et Lisu om üttelno et Kirjutaja herr om kui hire poig paljas ja näitsiko palkamisse aig om ka üttelno et sennä ärrä mingo nemmäd om jo nällätsed

Writz Lambing tunnistas, et temmä om kulo omma wõrusse läwwe päält, kui Lisu om üttelno wallitseja herrö päle et temmä nällä konn tulli sijä mõisahe ja nüüd om minno wallitseja ei olle rõiwidiggi sellän ja Elläjäl ki ei olle ni paljo poigi kui temmäl lapsi om.

Kohhus möistis, et Lisu Rikkandson peab selle eest, et temmä Wallitseja A Neisars om teotano ja söimano peab 3 öd päiwä törmän istma.

Pä kohtomees Jaan Holsting

Kohtomees Jakob Türkson

Kohtomees Paap Kress

Kohtomees Kristian Wössoberg

Kohtomees Hindrik Toding