Kohto ette tulli, ja andis ülles Wõbsost majamees Errestwerest anto Soldat Johann Wasser, ülles allanandminne om ni.
Minno laulatet abbikaas Mathilde Wasser elläs omman majan Wõbson 1868 aastal ütsindä ilma minnuta, sel ajal om sawwi kiwwi teggiä wennelene Prakow ilma minno abbikasa teedmatta tulno minno majja, öddago ja om käkno hendä ärrä teiste tarre kappi tode, kui jo mo abbikaas om keik ussed kindi pandno, ja hendä jo reiwist wallale tenno, ja kiggani maggama läks siis tulli ilm temmä henge teedmatta Prakowi wäljä, ja hakkas mo abbikasa rassetaste kiusama kige wisigä päle, ja kige hirmso wisigä teddä kurja pole weddämä, ja Prakowi kiusas teddä ni kauwa, et ta kui naisterahwa suggu om ja ta sure ja rasseda kiusamisse perräst, jo ta werri nörgas jänod, siis ta andis henda ta sure ja rasseda kiusamisse päle järgi, ja läks patto ello sissi. Ja perräst seddä kui mo abbikaas sõitis Wilnä linna minno manno, ja keik seddä omma suga mulle ülles tunnistas, et minna ollen ilma henge teedmatta ja koggematta, se sure kiusamisse perräst patto sissi saddano, ja perräst seddä Prakowi om teddä pälegi hirmost teotano Wöbsom, 18 Junil ösel kel 1 om tulno Prakowi minno maja akna alla, ja põrrutas akna ja usse päle kurja sannaga, ja Emma sisse, et lasse uks wallale , kui ei lasse siis ma löön so ukse ja akna keik purrus, siis mo abbikaas tulli sängist ülles, ja pandis hendä selle sure hirmuga reiwis, ja ütles talle et minna sinno sisse ei lasse, ja mis sa tahhad mulle tettä, minna ei olle sinno majas länno, sa olled tulno minno majas, ja weel pälegi öse kell 1, siis hakkas Prakowi palluma, et lasse ma tahhan sulle paar sanna könnelda, siis mo abbikaas laskis ukse lahti, Prakowi astus sisse ja kohhe ta manno, ja ütles kurja sannaga kas sa tead mi ma nüüd sinnuga wõin tettä, siis ta ütles et kas sa tahhad minno siin ärrä tappa, ja sa wõid minno siin ärrä tappa, ma ollen jo ütsindä, tühjän majan ja naisterahwas, ha abbi ma siin kostki ei leiä öse, ja nakkas teddä palluma selle hirmuga et olle ni heas ja minne parremb ärrä, ja olled tulno minno maija, ö ajal ma ei olle tulno sinno maija siis Prakowi wötse teddä kindi ja tahtse jälle tedda wäggisi sängi wija, ta ütles et kui sinna ärrä ei lähhä ja minnu rahhule ei jättä, siis ma nakkan kige helligä lärmi, ja abbi tännitämä, siis Prakowi jälle ütles, minna wõin sinnuga tettä mis ma tahhan, ja wõttis jälle teddä kindi, ja weddäs mo abbikasa wäggisi sängi päle, siis ta jo näggi et Prakowi sure ja rasseda kurja nõuga teddä kiskus, siis ta jo kissotas 1 körd, siis Prakowi läks jo hirmu, ja läks ussest wäljä, seddä kokko ellämist om olno Prakowil minno abbikasaga 63 päiwä. Ni pea kui ma omma wannadusse perräst es jöwwa ennämb tenidä, ja römustasin hendä omma wanna eä sissen 52 aastaiga wannas sano omma suggu rahwa pole jõuda, ja omma ussumale kolda, kui ma jo Wõbso tullin, eddimätsel päiwäl jo keik hulk Wõbso innimissi näggi minno kurwastama, ja moo meelt ärrä rikma kolmandal päiwäl ma es jõuwa hendä ennämb koski eggä kellegägi rõmusta, läksin Prakowi manno ja küssisin hea sannaga, mes perräst sa olled seddä teinod ja nüüd sadat sa minno halli pääd enne aigo mulda Prakow ütles mulle essiti et ma sest ei tea, ja ta arwas et mo abbikaas ei olle seddä mulle mitte omma suga tunnistano, ja siis jälle ma ütlesin 2 päiwä pärräst Prakowile, mes sa ennämb salgat kui keik jo selgeste tedä om, siis Prakowi ütles mulle kurja sannaga et ollin jah, ja weel ollen kui ma tahhan, ma keddägi ei pelgä sinno naine om Lits, siis ma tullin omma maija ja läksin ülles teise korra päle, ja sutte kummoli mahha ja ikki sure helligä, ja silmä weegä olli põrmad ligge säält kohhast, ja perräst seddä läks Prakowi mulle ni hirmsas kui ma teddä omma silmägä näggin ni kui elläw kurrat, ja mo werre tilk mo seen wärrisi et mul es olle ennämb koski ?? eööädä ma pääl siis ma jo es leijä hendä mann koski rahho, jo pallusin kirriko Herrat, ja wenne Preestrit sure süddame murrega, et awwitage teijegi mo häddäle abbis ja armus olla, ja nakkasin kigile kes iggäwel mulle wasto tulli ehk tee pääl meeste ehk naiste rahwas kigile omma surt häddä kaibama, no ütski minno ennämb es jõuwa romusta selle mann ma olles ni kui abbi otsno töiste käest, ja ollin ja ollen ommast werrest ni kui nõrk selle sure murre ja häddägä, et ma es wõttas pool kunningriiki selle eest olles kui se woisi taggasi sada 24 Junil kui mü sündmisse päiw ja minna 52 aastaiga wannas sain ja tahtse hendä rõmusta siis tullin sel päiwäl jõe poolt ja tulli Prakow mulle wasto, ma ütlesin ärrä tuööe mulle wasto kui Prakow ja olli minnust ärrä mödä läino ehk 10 sammo maad, siis ta ütles minne persehe sa olled wihhane, et ma so naisemann käisin, so naine om Lits siin om mo riist kes teggi ja weel teen kui tahhan, ma teen talle eest ja taggast, tol sammal päiwäl ma ollin kül kurb ja siiski tahtsin ma hendä romusta omma sündimisse päiw, ja jöin winä liggi õddagut, jälle tulli kullatama Prakow teistegä ütten, ma ütlesin ärrä käi minno süddänd murdma, wõttin tühjä püssi ja näidäsin et seddä om sulle tarwis, se püss olli kigen tühhi ja õlliga märito.
Wõbsost Prakofia Rasssatkin Lemsi linast pörjel okladi inniminne sai ette kutsutu ja küssitu, üttel temmä et temmä om olno Wasseri Emmändä mann, arwata 4 körd ösi ja 1 körd päiwä Wasseri majan, 11 kop pm temmä wimäst körd maksnod pihkwast tudo nüpse eest, eddiminne körd om Emmändä nimme päiwä aig allustano kus Emmänd Prakofi öddangus om senna pallunu jädä, ja üttelno et temmä mehhest middägi ei tea kas om kolo wõi ellan et temmä mehhest middägi ei teä ja se om hea et segi assi pri om, ja siis om laskno ka Emmänd Prakofil üks kirri kirjutada ja perrä küssidä Wilnäst kindrali kuntorist kas mees ellan om ja siis om sanod se kirri mehhel kätte ja om taggasi kirjutano et armas Mathilde kui sinna ei jättä neid wenne kirju mahha saata siis temmä prugip temmägä teine nõu, ja siis päle selle om kaupmees Nicolai Salawjew temmä manno länno ja Ö ärrä olnod, ja siis hommingo kui Emmänd ülles om tulno ja koffi tenno om temmä Akna mann käega tõmmano ja näidano et Prakofi olles koffi piddäno joma minnemä, ja Prakof om wõtno klasi ja om läts akna näidano ja kutsno hendä pole, ja siis om länno Madilde Prakofia pole ja siis om Prakof küssino et kes sinno mann täembä ösi olli, ja temmä eddimält om ärrä sallano ja perräst om üttelno et Niggulga om temmä pool olno ösi, ja siis om Prakofi üttelno, et sinna olled se eddimenne Petterburgi Lits kes om tulno sijä Wõbsohe innimisse petmä ja wõrgutama ja siis Matilde toli päält ülles tõusno ja üttelno ne musiko omma ütte turwako minna tahhan sinno melen piddädä, 3täl Mail om Wasser Prakofi akna alla länno ja üttelno siin om wäikessi kenkseppä ja Prakofi om üttelno ja siin om wäikessi kenkseppi ja siis om Wasser ärrä länno ja weidi aja pärrast om jälle taggasi tulno ja om Prakofi wäljä pallunu ja kõnnelda warsti om Prakofi wäljä länno ja Wasser om üttelno meije wõime makeelt kõnnelda Prakofi om üttelno üks keik siis om Wasser kõrwale kutsno Prakofi ja siis om küssino olge ni hea üttelge minnule kuis se assi om olno, ja Prakofi om üttelno et minnol teijega middägi asja ei olle olno, ja Wasser om üttelno ei mitte minnoga minno wannamoriga, ja üttelno et eggä se mitte teije süid ei olle temmä om issi mulle keik ärrä üttelno, ja om üttelno minna tijä temmä tubli inniminne temmä muido läbbi ei sa, et minna tahha teije käest tedä enne sada kas se assi om õige ja Prakofi om wasto üttelno et se ei olle mitte eilä ei täembä olno selle ülle minna ei mõista teile middägi ütteldä, ja Wasser om üttelno Prakofil wasto et teije ollete ütte kurrasi ma lassen teid püssigä mahha ja om hendä ümber kändno ja sõrmega ähwärdano et sinna mitte kellegi ei tohhi seddä ütteldä, ja siis om länno weidikesse maad ja om kübbärä mahha wõtni ja kummardano ja üttelno et kui sinna minno naist terretad siis ma wõttan püssi ja lassen teid mollembid mahha ja lähhän issi kus kurrat, 5tal Mail om Wasser Jaansoni majan kögin üttleno Prakofi naisel Jaansoni naise kulden et minna lassen sinno mehhe mahha ja Prakofi naine om üttelno kos teije tohhite seddä minnule ütteldä, ja siis Wasser om kopputano Prakofi naisel pösse päle et minna näen kül et se om teile wasto meelt, ja Jaansoni naine om üttelno et mis temmä rummal tahhab se assi om jo amogi olno
7ma Mail om Prakofi Wasseri majast möda länno ja Wasser om Maddissoniga ütte palki poles lõigano ja Prakofi om üttelno Jummal appi ja Wasser om üttelno Prakofil ärrä kais sijst mödä ma lassen su püssigä mahha, ja Prakofi om Maddissonil 3 körd üttelno kas kuled nüüd ja Wasser om üttelno temmä kulep kül ma lassen sinno püssigä mahha.
24ta Junil om Prakofi, Parksep Schurade, Feodor Lupin, Andrei Salawjew, ja Platon Risow, kui nemmäd Wasseri maja nukka manno om sanowad om Schurade üttelno et temmä lähhäb pargi maja pole ja teised om Jummalaga jätno ja om Wasseri maja läwwest länno möda minnemä ja Wasseri maja läwwe kottal om olno Juhann Wasser Kirjutaja Jaanson Abram Pärtel nink Wassil Gollobow, ja ni kui Wasser om Prakofi näino om temmä nakkanu kaema omma taskuid ja om küssino Jaansoni käest pistoli ja siis om karrano omma tarre ja om katte rauwa püssiga wälja tulno ja püssi ülles tõmmato kikka mahha laskno, ja siis om kaeno püssi päle ja om küssinu Jaansoni käest Saksa wenne ja makeli omma Pistongit ja siis om Jaansoni mant tarre josno ja tarrest jälle teist körd wäljä josno ja jälle om Jaansoni käest pistonid küssinu ja Wassila käest ja Wasseri järrele om wäljä tulno majast Michail Selman kes ülle Wõbso wenne pole pääl elläb ja se om Wasseril püssi käest ärrä wõtno ja Michail Selman om pärräst Prakofil üttelno et neo pussi rauwa ommawa mõllemba täideto olni mann kulja om olno Maxim Risok, Iwan Wallosnik, Andrejew Salawjew.
Prakofia Rasatkin om naise mees 6 lapsega elläb Wõbson üri majan.
Wassil Gollobow tunnistas et temmä om kulu kui Wasser om püstonid küssino ja perräst om länno tarre ja om tono püssi wäljä muud temmä ei ütle middägi teedwä.
Andrei Salawjew tunnistas minna tunnistan et minna näggin et J Wasser ommast majast püssigä wäljä tulli, siis kui meije temmä majast jo möda ollime ärrä länno, agga mis temmä tettä tahtis seddä minna ei tea.
Abram Pärtel tunnistas et temmä om ärrä länno ja ei olle middägi nänno.
Feodor Lupkin tunnistas et temmä om nänno kui Wasser püssigä wäljä om tulno ja pistongit om küssinu muud ei tea.
Platon Rissow tunnistas et Wasser om üttelno minnul se innimisse päle söä pallas ja sissi josno ja püssigä wäljä tulno ja pistogit küssino ja jälle sissi länno ja wäljä tulno ja ni samma küssinu.
Kaupmees Niculai Salawjew üttel et temmä mitte ööd ei olle olno Wasseri Emmändä pool enge kigeni sääl kaks kärd päiwä ütte ramato pärräst om käino.
Jaanson tunnistas et temmä 24 Junil öddakusse pole Wasseri maja läwwe een ulitse pääl om olno juttu ajano J Wasseri, Abram Pärtli nink Wassil Gollobowiga, Wasser om häste winä olno sanod, kui Prakofi teistegä mödä om länno om Wasser pistonit küssino om Jaanson üttelno mis pistoli minnul om, ja om omma maja pole warsti ärrä hakkano minnemä tük maad eddesi saden om Wasser taggast tännitäno aana pistonit, kui Jaanson tade om kaeno om temmä nänno kui Wasser omma usse poolt temmä pole om länno ja püss om käen olno ja weidi maad ussemant saisma jäno ja püssi kaeno ja püssi ots om Jaansoni pool küllen olno, siis om Jaanson üttleno püss panne käest ärrä se ei kõlba rahwa sean siis om Wasser warsti mahha jätno, nink Prakofia om linna poolt ulitse päält üttelno, no nüüd näete teije Jaanson issi, Agga kes püssi tarre wiis ei olle Jaanson nänno nink kohhe päle selle om Jaanson tarre länno püssi warba wäljä wõtno rauwad läbbi kaeno kas püss tühhi om, nink om leidno et püss tühhi om olno.
Wasser om Jaansonil paljo körd könnelno et een kolmanda lehhe pole pääl.
2 Julil No 389 al wäljä sadeto Werrole
Kohto ette tulli, ja andis ülles Wõbsost majamees Errestwerest anto Soldat Johann Wasser, ülles allanandminne om ni.
Minno laulatet abbikaas Mathilde Wasser elläs omman majan Wõbson 1868 aastal ütsindä ilma minnuta, sel ajal om sawwi kiwwi teggiä wennelene Prakow ilma minno abbikasa teedmatta tulno minno majja, öddago ja om käkno hendä ärrä teiste tarre kappi tode, kui jo mo abbikaas om keik ussed kindi pandno, ja hendä jo reiwist wallale tenno, ja kiggani maggama läks siis tulli ilm temmä henge teedmatta Prakowi wäljä, ja hakkas mo abbikasa rassetaste kiusama kige wisigä päle, ja kige hirmso wisigä teddä kurja pole weddämä, ja Prakowi kiusas teddä ni kauwa, et ta kui naisterahwa suggu om ja ta sure ja rasseda kiusamisse perräst, jo ta werri nörgas jänod, siis ta andis henda ta sure ja rasseda kiusamisse päle järgi, ja läks patto ello sissi. Ja perräst seddä kui mo abbikaas sõitis Wilnä linna minno manno, ja keik seddä omma suga mulle ülles tunnistas, et minna ollen ilma henge teedmatta ja koggematta, se sure kiusamisse perräst patto sissi saddano, ja perräst seddä Prakowi om teddä pälegi hirmost teotano Wöbsom, 18 Junil ösel kel 1 om tulno Prakowi minno maja akna alla, ja põrrutas akna ja usse päle kurja sannaga, ja Emma sisse, et lasse uks wallale , kui ei lasse siis ma löön so ukse ja akna keik purrus, siis mo abbikaas tulli sängist ülles, ja pandis hendä selle sure hirmuga reiwis, ja ütles talle et minna sinno sisse ei lasse, ja mis sa tahhad mulle tettä, minna ei olle sinno majas länno, sa olled tulno minno majas, ja weel pälegi öse kell 1, siis hakkas Prakowi palluma, et lasse ma tahhan sulle paar sanna könnelda, siis mo abbikaas laskis ukse lahti, Prakowi astus sisse ja kohhe ta manno, ja ütles kurja sannaga kas sa tead mi ma nüüd sinnuga wõin tettä, siis ta ütles et kas sa tahhad minno siin ärrä tappa, ja sa wõid minno siin ärrä tappa, ma ollen jo ütsindä, tühjän majan ja naisterahwas, ha abbi ma siin kostki ei leiä öse, ja nakkas teddä palluma selle hirmuga et olle ni heas ja minne parremb ärrä, ja olled tulno minno maija, ö ajal ma ei olle tulno sinno maija siis Prakowi wötse teddä kindi ja tahtse jälle tedda wäggisi sängi wija, ta ütles et kui sinna ärrä ei lähhä ja minnu rahhule ei jättä, siis ma nakkan kige helligä lärmi, ja abbi tännitämä, siis Prakowi jälle ütles, minna wõin sinnuga tettä mis ma tahhan, ja wõttis jälle teddä kindi, ja weddäs mo abbikasa wäggisi sängi päle, siis ta jo näggi et Prakowi sure ja rasseda kurja nõuga teddä kiskus, siis ta jo kissotas 1 körd, siis Prakowi läks jo hirmu, ja läks ussest wäljä, seddä kokko ellämist om olno Prakowil minno abbikasaga 63 päiwä. Ni pea kui ma omma wannadusse perräst es jöwwa ennämb tenidä, ja römustasin hendä omma wanna eä sissen 52 aastaiga wannas sano omma suggu rahwa pole jõuda, ja omma ussumale kolda, kui ma jo Wõbso tullin, eddimätsel päiwäl jo keik hulk Wõbso innimissi näggi minno kurwastama, ja moo meelt ärrä rikma kolmandal päiwäl ma es jõuwa hendä ennämb koski eggä kellegägi rõmusta, läksin Prakowi manno ja küssisin hea sannaga, mes perräst sa olled seddä teinod ja nüüd sadat sa minno halli pääd enne aigo mulda Prakow ütles mulle essiti et ma sest ei tea, ja ta arwas et mo abbikaas ei olle seddä mulle mitte omma suga tunnistano, ja siis jälle ma ütlesin 2 päiwä pärräst Prakowile, mes sa ennämb salgat kui keik jo selgeste tedä om, siis Prakowi ütles mulle kurja sannaga et ollin jah, ja weel ollen kui ma tahhan, ma keddägi ei pelgä sinno naine om Lits, siis ma tullin omma maija ja läksin ülles teise korra päle, ja sutte kummoli mahha ja ikki sure helligä, ja silmä weegä olli põrmad ligge säält kohhast, ja perräst seddä läks Prakowi mulle ni hirmsas kui ma teddä omma silmägä näggin ni kui elläw kurrat, ja mo werre tilk mo seen wärrisi et mul es olle ennämb koski ?? eööädä ma pääl siis ma jo es leijä hendä mann koski rahho, jo pallusin kirriko Herrat, ja wenne Preestrit sure süddame murrega, et awwitage teijegi mo häddäle abbis ja armus olla, ja nakkasin kigile kes iggäwel mulle wasto tulli ehk tee pääl meeste ehk naiste rahwas kigile omma surt häddä kaibama, no ütski minno ennämb es jõuwa romusta selle mann ma olles ni kui abbi otsno töiste käest, ja ollin ja ollen ommast werrest ni kui nõrk selle sure murre ja häddägä, et ma es wõttas pool kunningriiki selle eest olles kui se woisi taggasi sada 24 Junil kui mü sündmisse päiw ja minna 52 aastaiga wannas sain ja tahtse hendä rõmusta siis tullin sel päiwäl jõe poolt ja tulli Prakow mulle wasto, ma ütlesin ärrä tuööe mulle wasto kui Prakow ja olli minnust ärrä mödä läino ehk 10 sammo maad, siis ta ütles minne persehe sa olled wihhane, et ma so naisemann käisin, so naine om Lits siin om mo riist kes teggi ja weel teen kui tahhan, ma teen talle eest ja taggast, tol sammal päiwäl ma ollin kül kurb ja siiski tahtsin ma hendä romusta omma sündimisse päiw, ja jöin winä liggi õddagut, jälle tulli kullatama Prakow teistegä ütten, ma ütlesin ärrä käi minno süddänd murdma, wõttin tühjä püssi ja näidäsin et seddä om sulle tarwis, se püss olli kigen tühhi ja õlliga märito.
Wõbsost Prakofia Rasssatkin Lemsi linast pörjel okladi inniminne sai ette kutsutu ja küssitu, üttel temmä et temmä om olno Wasseri Emmändä mann, arwata 4 körd ösi ja 1 körd päiwä Wasseri majan, 11 kop pm temmä wimäst körd maksnod pihkwast tudo nüpse eest, eddiminne körd om Emmändä nimme päiwä aig allustano kus Emmänd Prakofi öddangus om senna pallunu jädä, ja üttelno et temmä mehhest middägi ei tea kas om kolo wõi ellan et temmä mehhest middägi ei teä ja se om hea et segi assi pri om, ja siis om laskno ka Emmänd Prakofil üks kirri kirjutada ja perrä küssidä Wilnäst kindrali kuntorist kas mees ellan om ja siis om sanod se kirri mehhel kätte ja om taggasi kirjutano et armas Mathilde kui sinna ei jättä neid wenne kirju mahha saata siis temmä prugip temmägä teine nõu, ja siis päle selle om kaupmees Nicolai Salawjew temmä manno länno ja Ö ärrä olnod, ja siis hommingo kui Emmänd ülles om tulno ja koffi tenno om temmä Akna mann käega tõmmano ja näidano et Prakofi olles koffi piddäno joma minnemä, ja Prakof om wõtno klasi ja om läts akna näidano ja kutsno hendä pole, ja siis om länno Madilde Prakofia pole ja siis om Prakof küssino et kes sinno mann täembä ösi olli, ja temmä eddimält om ärrä sallano ja perräst om üttelno et Niggulga om temmä pool olno ösi, ja siis om Prakofi üttelno, et sinna olled se eddimenne Petterburgi Lits kes om tulno sijä Wõbsohe innimisse petmä ja wõrgutama ja siis Matilde toli päält ülles tõusno ja üttelno ne musiko omma ütte turwako minna tahhan sinno melen piddädä, 3täl Mail om Wasser Prakofi akna alla länno ja üttelno siin om wäikessi kenkseppä ja Prakofi om üttelno ja siin om wäikessi kenkseppi ja siis om Wasser ärrä länno ja weidi aja pärrast om jälle taggasi tulno ja om Prakofi wäljä pallunu ja kõnnelda warsti om Prakofi wäljä länno ja Wasser om üttelno meije wõime makeelt kõnnelda Prakofi om üttelno üks keik siis om Wasser kõrwale kutsno Prakofi ja siis om küssino olge ni hea üttelge minnule kuis se assi om olno, ja Prakofi om üttelno et minnol teijega middägi asja ei olle olno, ja Wasser om üttelno ei mitte minnoga minno wannamoriga, ja üttelno et eggä se mitte teije süid ei olle temmä om issi mulle keik ärrä üttelno, ja om üttelno minna tijä temmä tubli inniminne temmä muido läbbi ei sa, et minna tahha teije käest tedä enne sada kas se assi om õige ja Prakofi om wasto üttelno et se ei olle mitte eilä ei täembä olno selle ülle minna ei mõista teile middägi ütteldä, ja Wasser om üttelno Prakofil wasto et teije ollete ütte kurrasi ma lassen teid püssigä mahha ja om hendä ümber kändno ja sõrmega ähwärdano et sinna mitte kellegi ei tohhi seddä ütteldä, ja siis om länno weidikesse maad ja om kübbärä mahha wõtni ja kummardano ja üttelno et kui sinna minno naist terretad siis ma wõttan püssi ja lassen teid mollembid mahha ja lähhän issi kus kurrat, 5tal Mail om Wasser Jaansoni majan kögin üttleno Prakofi naisel Jaansoni naise kulden et minna lassen sinno mehhe mahha ja Prakofi naine om üttelno kos teije tohhite seddä minnule ütteldä, ja siis Wasser om kopputano Prakofi naisel pösse päle et minna näen kül et se om teile wasto meelt, ja Jaansoni naine om üttelno et mis temmä rummal tahhab se assi om jo amogi olno
7ma Mail om Prakofi Wasseri majast möda länno ja Wasser om Maddissoniga ütte palki poles lõigano ja Prakofi om üttelno Jummal appi ja Wasser om üttelno Prakofil ärrä kais sijst mödä ma lassen su püssigä mahha, ja Prakofi om Maddissonil 3 körd üttelno kas kuled nüüd ja Wasser om üttelno temmä kulep kül ma lassen sinno püssigä mahha.
24ta Junil om Prakofi, Parksep Schurade, Feodor Lupin, Andrei Salawjew, ja Platon Risow, kui nemmäd Wasseri maja nukka manno om sanowad om Schurade üttelno et temmä lähhäb pargi maja pole ja teised om Jummalaga jätno ja om Wasseri maja läwwest länno möda minnemä ja Wasseri maja läwwe kottal om olno Juhann Wasser Kirjutaja Jaanson Abram Pärtel nink Wassil Gollobow, ja ni kui Wasser om Prakofi näino om temmä nakkanu kaema omma taskuid ja om küssino Jaansoni käest pistoli ja siis om karrano omma tarre ja om katte rauwa püssiga wälja tulno ja püssi ülles tõmmato kikka mahha laskno, ja siis om kaeno püssi päle ja om küssinu Jaansoni käest Saksa wenne ja makeli omma Pistongit ja siis om Jaansoni mant tarre josno ja tarrest jälle teist körd wäljä josno ja jälle om Jaansoni käest pistonid küssinu ja Wassila käest ja Wasseri järrele om wäljä tulno majast Michail Selman kes ülle Wõbso wenne pole pääl elläb ja se om Wasseril püssi käest ärrä wõtno ja Michail Selman om pärräst Prakofil üttelno et neo pussi rauwa ommawa mõllemba täideto olni mann kulja om olno Maxim Risok, Iwan Wallosnik, Andrejew Salawjew.
Prakofia Rasatkin om naise mees 6 lapsega elläb Wõbson üri majan.
Wassil Gollobow tunnistas et temmä om kulu kui Wasser om püstonid küssino ja perräst om länno tarre ja om tono püssi wäljä muud temmä ei ütle middägi teedwä.
Andrei Salawjew tunnistas minna tunnistan et minna näggin et J Wasser ommast majast püssigä wäljä tulli, siis kui meije temmä majast jo möda ollime ärrä länno, agga mis temmä tettä tahtis seddä minna ei tea.
Abram Pärtel tunnistas et temmä om ärrä länno ja ei olle middägi nänno.
Feodor Lupkin tunnistas et temmä om nänno kui Wasser püssigä wäljä om tulno ja pistongit om küssinu muud ei tea.
Platon Rissow tunnistas et Wasser om üttelno minnul se innimisse päle söä pallas ja sissi josno ja püssigä wäljä tulno ja pistogit küssino ja jälle sissi länno ja wäljä tulno ja ni samma küssinu.
Kaupmees Niculai Salawjew üttel et temmä mitte ööd ei olle olno Wasseri Emmändä pool enge kigeni sääl kaks kärd päiwä ütte ramato pärräst om käino.
Jaanson tunnistas et temmä 24 Junil öddakusse pole Wasseri maja läwwe een ulitse pääl om olno juttu ajano J Wasseri, Abram Pärtli nink Wassil Gollobowiga, Wasser om häste winä olno sanod, kui Prakofi teistegä mödä om länno om Wasser pistonit küssino om Jaanson üttelno mis pistoli minnul om, ja om omma maja pole warsti ärrä hakkano minnemä tük maad eddesi saden om Wasser taggast tännitäno aana pistonit, kui Jaanson tade om kaeno om temmä nänno kui Wasser omma usse poolt temmä pole om länno ja püss om käen olno ja weidi maad ussemant saisma jäno ja püssi kaeno ja püssi ots om Jaansoni pool küllen olno, siis om Jaanson üttleno püss panne käest ärrä se ei kõlba rahwa sean siis om Wasser warsti mahha jätno, nink Prakofia om linna poolt ulitse päält üttelno, no nüüd näete teije Jaanson issi, Agga kes püssi tarre wiis ei olle Jaanson nänno nink kohhe päle selle om Jaanson tarre länno püssi warba wäljä wõtno rauwad läbbi kaeno kas püss tühhi om, nink om leidno et püss tühhi om olno.
Wasser om Jaansonil paljo körd könnelno et een kolmanda lehhe pole pääl.
2 Julil No 389 al wäljä sadeto Werrole
