17. Ette tulli Karrilatsi kommossar Leinberg ja pallus ütte linna wargusse asjan, mes kolkmisse ajal om sündinu mõnd tunnistajat üllekulata. Temma nimmit eesmalt omma rehhepappi Peter Heito, kelle teedmissega se wargus om sündinu ja kes sedda ei olle õkwa üllesandnu, sis koddapoliku naise: Ann Wals, Ello Roos, Lies Haran, kes linnu kolkman om olnu ja kedda kohtomehhega Peter Seba om läbbi otsitu ja linnu leitu, eddimatse man 12 nakla, teise man 1 naggel soitu linnu ja kolmanda man 7 nakla; Jakob Kukke kes ütleb pästliga eggal üttel linna kolkjal kui linno õdangu puhtas sanu, neid 8 nakla pääle om ärra kaalnu ja mes ülle sellet, om ärra wõtnu ja ka teisil nowwo andnu neid ärra wõtta; tunnistaja Peep Kelt ja Jaan Wals ja Ado Kukke naise omma, kes ollew üllesandnu et Jakobi Kukke sõssarel tol kõrral 2 punda linnu olnu, mes temma sallamahti om sugginu.
1. Ette kutsuti Peter Heita ja tunnist: temma ollew Karrilatsi komessarel rehhepappis olnu ja om nännu Jakob Kukkel on pässula kottost ütten wõetu ollewat, kellega tema mitto odangut rahwal linnu om kaalnu ja mes iggal üttel üle 8 nagla om olnu issi om ärrawõtnu ja tema nowwo pääle ka muil om ärra wotta lasknu. Ja sedawisi omm sis pea ennembast 2 näddalat warrastetu kunna se assi komossarel teda om sanu.
2. tulli ette Ann Walz ja tunnist: tema ollew Karrilatsin kuus päiwa linnu kolkmas olnu ja ollew igga õdangu nännu, et Jakob Kukk linnu om kaalnu ja mes ülle 8 nagla, kolkjil ärra wõtta om käsknu ja sedda wisi ollew ka temma Ann Wals, neid 12 nakla linnu sanu, mes temma majan om löitu. (astus kõrwale)
3. tulli ette Teijo Kelt ja tunnist: temma ollew 2 päiwa linnu kolknu ja ollew nisamma nännu et Jakob Kukk ütte pässulaga, mes temmal hendast om olnu, linnu om kaalnu, mis nowwo temmal se man olnu, sedda temma ei teedwat. (astus kõrwale)
4. aste ette Jaan Wals ja tunnist: tema ollew 16 päiwa linnu lkman olnu ja om ka nännu et Jakob Kukk ütte pässulat linna luije sissen om hoitnu, kellega temma kui linna odangu walmis sanu, neid om kaalnu, muud temma ei tedwas; Päle se ollew Jakob Kukk tedda ähwardanu, et kui temma hätta saap, sis sawa ka mu hätta sama.
Ado Kukke naise ema, Ello Roos ja Lies Haran olliwa tullemata jänu.
5. Kutsuti ette Jakob Kukk ja ütles: temmal ollewat Santra Hindrik ja Karl Kelt sedda nõwwo andnu, pässulam tuwwa, selle tarbis et kigile ütte wõrra linnu kätte kalu, muud tema ei tedwat. Sedda pässulat ollew temma kül aggana unniku sissen hoitnu, et saks es peas näggema. (astus kõrwale).
Moistetu: ülle homme jälle kokko tulla ja sis ka neid, kes tämba tullemata jänu ja Santra Hindrik, Karl kelt ette kutsu, Jakob Kukke agga ni kaua kinni panna.
17. Ette tulli Karrilatsi kommossar Leinberg ja pallus ütte linna wargusse asjan, mes kolkmisse ajal om sündinu mõnd tunnistajat üllekulata. Temma nimmit eesmalt omma rehhepappi Peter Heito, kelle teedmissega se wargus om sündinu ja kes sedda ei olle õkwa üllesandnu, sis koddapoliku naise: Ann Wals, Ello Roos, Lies Haran, kes linnu kolkman om olnu ja kedda kohtomehhega Peter Seba om läbbi otsitu ja linnu leitu, eddimatse man 12 nakla, teise man 1 naggel soitu linnu ja kolmanda man 7 nakla; Jakob Kukke kes ütleb pästliga eggal üttel linna kolkjal kui linno õdangu puhtas sanu, neid 8 nakla pääle om ärra kaalnu ja mes ülle sellet, om ärra wõtnu ja ka teisil nowwo andnu neid ärra wõtta; tunnistaja Peep Kelt ja Jaan Wals ja Ado Kukke naise omma, kes ollew üllesandnu et Jakobi Kukke sõssarel tol kõrral 2 punda linnu olnu, mes temma sallamahti om sugginu.
1. Ette kutsuti Peter Heita ja tunnist: temma ollew Karrilatsi komessarel rehhepappis olnu ja om nännu Jakob Kukkel on pässula kottost ütten wõetu ollewat, kellega tema mitto odangut rahwal linnu om kaalnu ja mes iggal üttel üle 8 nagla om olnu issi om ärrawõtnu ja tema nowwo pääle ka muil om ärra wotta lasknu. Ja sedawisi omm sis pea ennembast 2 näddalat warrastetu kunna se assi komossarel teda om sanu.
2. tulli ette Ann Walz ja tunnist: tema ollew Karrilatsin kuus päiwa linnu kolkmas olnu ja ollew igga õdangu nännu, et Jakob Kukk linnu om kaalnu ja mes ülle 8 nagla, kolkjil ärra wõtta om käsknu ja sedda wisi ollew ka temma Ann Wals, neid 12 nakla linnu sanu, mes temma majan om löitu. (astus kõrwale)
3. tulli ette Teijo Kelt ja tunnist: temma ollew 2 päiwa linnu kolknu ja ollew nisamma nännu et Jakob Kukk ütte pässulaga, mes temmal hendast om olnu, linnu om kaalnu, mis nowwo temmal se man olnu, sedda temma ei teedwat. (astus kõrwale)
4. aste ette Jaan Wals ja tunnist: tema ollew 16 päiwa linnu lkman olnu ja om ka nännu et Jakob Kukk ütte pässulat linna luije sissen om hoitnu, kellega temma kui linna odangu walmis sanu, neid om kaalnu, muud temma ei tedwas; Päle se ollew Jakob Kukk tedda ähwardanu, et kui temma hätta saap, sis sawa ka mu hätta sama.
Ado Kukke naise ema, Ello Roos ja Lies Haran olliwa tullemata jänu.
5. Kutsuti ette Jakob Kukk ja ütles: temmal ollewat Santra Hindrik ja Karl Kelt sedda nõwwo andnu, pässulam tuwwa, selle tarbis et kigile ütte wõrra linnu kätte kalu, muud tema ei tedwat. Sedda pässulat ollew temma kül aggana unniku sissen hoitnu, et saks es peas näggema. (astus kõrwale).
Moistetu: ülle homme jälle kokko tulla ja sis ka neid, kes tämba tullemata jänu ja Santra Hindrik, Karl kelt ette kutsu, Jakob Kukke agga ni kaua kinni panna.
