Jakob Raudsep Tanila poig kaibas, et Jakob Raudsep Johani poig tälle 10. tööpäiwa eest ei ollew palka ära masnu tema nõudwat 5 päiwa eest a' 30 kop., 3 päiwa eest a 35 ja 2 paiwa eest 40 kop ja pääle selle weel 1 rubla 60 kop lainatu raha omale kätte ja 19 kubu olgi.

Kokku raha 4 Rbl 95 kop ja 19 kubu olgi.

Wastut Jakob Raudsep Johani poig kui tälle kaibus ette sai pantus, et Jakob Raudsep Tanila poig, ollew 3 päiwa kartohwlid wõtmas olnu, 2 päiwa hernet ja lina kakmann, 1 1/3 päiwa nisu põimman, 3 päiwa rüka põimman, 1 rublat 60 kop tema ei ollew lainanu, Maakündmise eest arwawat tema ne ole, päiwi eest ollew tema masnu 1 rubla 50 kop., 1 rubla 80 kop eest saanu see lubja 1 mõõt rüki, mes 1 rubla maswat.

Jakob Raudsep Joh. p. and tunnistajis üles Peter Weski, Peter Meister Loosist, Jakob Jantra, Johan Mõks.

Tunnistaja Jakob Jantra 30 aastat wana Lutteri usku tunnist, et Jakob Raudsep Tanila p. olgi olnu. Tunnistaja Johan Mõks 50 aastat wana Lutteri usku, tunnist, et tema kuulnu, et Jakob Raudsep Joh. p. hernid paknu, Jakob Raudsep Tanila pojale.

Otsus:

Peter Weski ja Peter Meister ette kutsu.

Pääkohtumees J. Kabist [allkiri]

Kohtumees P. Sillaots [allkiri]

       "             P. Klais [allkiri]