Jaan Häidson Räppinä wallast Kõnno külläst kaibas kohto een, et Welli Josep Häidson peab teddä hagotima et temmä maja rahha 350 Rubla maja rahha peab ollema ärrä häwwitäma, Agga temmä om ennegi maja rahha sanod 214 Rubla, ja sest rahhast om temmä Herräle masno wõlla wahhandämisses

130 Rubla

20 Rubla ollewad rattasse eest masseto

6 Rubla 1/2 wadi Lattiko eest masseto

5 R 50 kop 1 pütt heringide eest masseto

12 Rubla eest Sola tonod

4 Rubla 4 mödo Särgi eest masseto

3 Rubla 50 kop eest 1/2 nahka ostetu

2 Rubla wikkati rattamär laste eest masseto

15 Rubla pärahhas masseto

198

perrä jänod 16 Rubla ütlep temmä muido maja kullu päle ärrä kullutano.

Welle Josep Häidsoni käest sai küssitu, üttel temmä et temmä ei tea, kui paljo welli om rahha majast sanod.

Josep peab ollema Essä Johhani poig, agga Jaan peab ollema Emmä poig, jo enne Emmäl samipolno

Et neil wellitsil rahhi ei olle

Kohhus mõistis, et sel 1870/71 aastal maja willälinnod ja saak mõllembide wellitside nätten peab müdo sama, ja rahha paigal hoitama mis maja kullust ülle jääs saap poles jaeto ja 1871 kewwädi peab Jaan majast wäljä minnemä, ja kontrahti leppingo perrä om jaggo wõtma.

§773 om ette kulutedo

Pä kohtomees Jaan Holsting

Kohtomees Jakob Türkson

Kohtomees Paap Kress

Welli Jaan lubbas keik maja saaki ja wiljä welle Josepi holes jätta.