Sandarmide Unterofizerid Gustaw Grünfeld ja Steppan Iwanow kaibasiwad kohto een, et Jaan Teppo Wõbsost om täembä neile üttelno, et nemmäd olles eilä Wõbson Jaan Teppo majast 100 Rubla rahha ärrä wõtnod, ja üts Sandarmi Unterofizer olles Jaan Teppo naist kindi hoidno ja teine olles 100 Rubla rahha ärrä wõtnod.

Jaan Teppo käest sai küssitu, üttel temmä, et 1. Sandarmi Unterofizer om temmä naist kindi piddano ja teine om 100 Rubla rahha ärrä wõtnod rahha om katte kotti sissen olno, ütte sissen om 4 tükki 25 rublalist pabberid olnod ja teise sissen om 3 tukki 3 rublalist pabberid olno, ja neo neo 4 tükki 25 rublalist pabberid kokko 100 Rubla om ärrä kaddono mis tarren ilma lukkota kasti sissen om olno. Jaan Teppo üttel et temmä naine om temmäl seddä üttelno.

Jaan Teppo naise Marja käest sai küssitu, et kas sinna tundsid kumbas Sandarm sinno kindi piddäs ja kumbas Sandarm Rahha ärrä wõtis 100 R Marija üttel minna ei tunne kumbas minno kindi piddäs agga teine wõttis rahha ärrä 100 Rubla perräst üttel rahha om ärrä kaddono kastist, kast om tarren ilma lukkota olno. Moisa wallitseja Neisar tunnistas, et temmä om mann olno ja kulnud kui Jaan Teppo Wöbson Sandarmide Unterofizeridele om üttelno, et ni kui teije eilä siin ollete olno ja minno naise kindi piddäno ja 100 Rubla rahha ärrä wõtno.

Kohto otsus allandlikko palwega annap Räppinä koggkonna kohhus seddä asja Keiserlikko Werromakohto ette selletädä.

Pä kohtomees Jaan Holsting

Kohtomees Kristian Wössoberg

Kohtomees Jakob Türkson

Kohtomees Hindrik Toding