Juhhan Lorits Räppinä wallast Sosarest perrisma piddaja kaibas kohto een, et Wilip Norroski poig Jaan, ja Pedo Munski poig Karli ja Jaan ommawa temmä Uibo ajan kaino Ubbinid wargil, om ommawa 2 noort Uibot ärrä lahknowa, ja ommawa 4l uibo ubbinad ärrä winowad arwato ülle kige 300 ubbinat.

Wilipi poig Jaan üttel et temmä om puhkuga ubbinid wino agga ei tea kes puu ärrä om lahkno

Pedo Munski poig Karli üttel et nemmäd puhhuga om Ubbinid wino, ja ommawa uibo otsan käino agga ei olle tuud kas puu om ärrä lahkeno.

Neo poisid ommawa mõllemba ütte uibo otsan olno.

Juhha Loritse nõudminne om, Ubbinide eest masso 6 R ja Uibide kahjo eest 30 Rubla Wöölmünder Ado Waldson om ülle kaeno, ja üttel, et 1 Uibo om nellas lahheno katki arwato 3 tolli lahki teine Uibo om wähhämb lahhoto ja kattes lahki, Uibud ollewa kindi Mähhitu ja peawad kassoma.

Kohhus mõistis, et Wilip Norusk nink Pedo Munski Ubbinide eest 2 Rubla ja Uibide eest 3 Rubla kahjo tassomist ja Uibod jäwä iks Juhhan Loritze aida kassoma

Juhhanil 3 last eggäl üttel 1 R 67 kop massa.

§773 ette loeto

Pä kohtomees Jaan Holsting

Kohtomees Jakob Türkson

Kohtomees Hindrik Toding

Kohtomees Paap Kress