Kolmandalt, tulli ette Johan Seeme ja kaibas et temma pooleterramees Adam Kroon ei andwat temmal 1 2/3 wak keswa seemend mitte ärra, ni kui kontrakt kässep, ja kelle pääl mitto kõrda pahhandus om ollnu nink kost minna teine aasta jälle seemend wõtta kui jälle tarwis tullep. -

Kutsuti ette Adam Kroon ja sai kaibus ette loetus, kes selle pääle ütles, minna ei olle keelnu ei woi ka keelda, ennegi wõtko Johan Seeme eggast rehhest ja põllo saagist, temma tahhap säält wõtta kos kõige parremb om, ent kon weidi kehwemb säält ei tahha wõtta, meil olli just se 1 2/3 wakka külw jaije halla ehk külma kätte säält ei tahha temma seemne jakko mitte wõtta, kas minno tahtminne olli et külm ni warra tulli. -

Otsus  Kohhus moistis ja arwas, egga põld peap omma seeme wälja andma olgo hää ehk halw külmetanu põld ehk ilma külmata, nisamma ka egga rehhi mitte üts rehhi ilma seemne wõtmata, ja teisest jälle kuts jaggo wotta, sedda ei woi olla, ni peawa henda wahhel illusaste ärra jaggama et eggaüts woip rahhu olla. Sai kohtomoistminne ja § 772 n: 773. kohtun käüjatele ette loetus, ent Johan Seeme es olle sellega rahhul, et arwas hendal liiga tettu ollewat ja pallel Protokolli mes kohhus es lubba anda. -

(LS)    Protokoll wälja antu sel 24al Debr. 75. -

                                                             (Allkirri)