Räppinä wallast Kõnno külläst perrismaa piddäjä Jürri Suik andis kohto een ülles, et temmäl Aidast 2l Oktobril wasto 3ta Oktobrid ösi ärrä om warrastedo

Aida üks peab ollema nukrauwaga wallale wõeto

Willem Suik arwas et Michail Petrow ütte wõra mehhega Warras olles olno selle perräst, et neid om sääl 2l Oktobril päiwä nätto

Michail Petrow sai ette kutsutus ja küssitu üttel Tarto mehhe Karliga kokko sanod kes peab ellämä Alexandri ulitsan möda Illiste maja kolmas maja kantsi majan Se mees peab Kurristaja koggokonna rewisionin ollema Se mees om Tartun Michail Petrowi käest küssino et kas sinna tunned Jakob Jagomanni Michail om üttelno tunnen kül siis se mees Karli om kutsno Michailid ütten, ja om tonod Tartust ni kauwa kui Tolama Lewako kõrtsimanno sääl ommawa winä jonowa ja siis se Karli om üttelno et Jakob Jagomann om lubbano temmäl ütte hä panga anda Wõbson om Michail üttelno et Karli om üttelno et Jakob Jagoman om lubbano temmäle 1 nelli jalga ja korm päle anda. Lewakolt ärrä tullen om se Karli Michailid ütten kutsno näitämä kus Jakob Jagoman elläb, ja kui nemmäd Kõnno külläst läbbi om lannowa siis om neid sääl nätta ja kui nemmäd Jakob Jagomanni majamanno ommawa sanowa om Karli üttelno Michailil et minne kutso Jakob Jagoman wäljä ja issi om ärrä mõtsa länno, Michail om länno tarre ja om Jakob Jagomani maggamast ülles ajano ja om issi mahha istno ja maggama jäno ja kui ülles om härkino om temmä küssino Jakobi käest, et kas se tulli sijä, om Jakob üttelno et es tulle minna käisin allan temmä jäi alla. Michail arwas et Tartu mees Karli Warras om ja selle perräst et temmä mõtsa om länno ja arwas et Jakob Jagomann temmä nõul on Jakob Jagoman om ka küssino Michaili käest et kas Tartu mees Willemi musta hobbest näggi ka.

Jakob Jagomanni käest sai küssitu, üttel temmä, et Michail om teddä sängist maggamast kül ülles ajano agga Tartu meest es ütle temmä nänno ja warrastamissest es ütle temmä ka mitte teedwa.

Michail Petrow üttel hendä 2 öd Jama küllän Michel Jagomanni mann maggano, Michel Jagomann käest sai küssitu üttel temmä õige ollewad et temmä 2 ja kolmanda Oktobri öd sääl om olno se om wargusse ö ja päle wargusse teine ö siis ei olle Michail Petrow mitte wargusse mann olno.

Kohto otsus Räppinä koggokonna kohto allandlik palwe om selle asja selletämisse tarbis seddä wangi Jakob Jagomani wasto wõtta ja temmägä ütten Michail Petrowi.

Pä kohtomees Jaan Holsting

Kohtomees Kristian Wössoberg

Kohtomees Jakob Türkson

Kohtomees Paap Kress

Kohtomees Hindrik Toding

Nüüd tudi teedminne et Tartu linnan Tartu mehhe käest wargus kätte om sado agga et mees issi ärrä om sano paggeda.

Pä kohtomees Jaan Holsting

Kirjutaja J. Jaanson <allkiri>