Kioma moisa wallitsus kaibap, et Kioma moisast minnewa aastal ollew warrastetu: 2 raud-tõrdu witsa  wina koast arwata 6 punda, muido weikesi asju, ni kui hengi, krampe ja muud nisuggust ja tunnistawat Karrilatsi sepp Jakob Paide, et Ado Kukk ja Peter Kuklas neid on warrastanu; Sellepääl olli ka ette tallitetu Karrilatsi sepp Jakob Paide, Ado Kuk ja Peter Kuklas, agga ne kats wimast olli tulemata jänu.

Jakob Paide tulli ette ja tunnist: Ado Kuk ja Peter Kuklas ollew minnewa talwel üttel ösel temma poole tulnu ja üts raud wits üten tonu, mes nema poles lasknu ragguda ja kui tema sedda ei olle tahtnu usku, et nemma seda witsa Tartust ostnu, ni kui nemma üttelnu, om nemma tunnistanu, et nemma sedda Kioma wina koast omma warrastanu. Wimati om Jakob Paide sedda rauda kaalnu ja tedda 3 punda löidnu ollewat. Päle se and ka Jakob Paide ülles, et Jaan Seba, kes koggemata sel ajal temma poole tulnu, sedda jutto ka läwwe tagga om kuulnu.

Moistetu: teistkorda ka Jaan Seba ette kutsu.

Päkohtomees Peter Seba

Kohtomees Jürri Jõggewa

   "  Märt Porrila

Wöörmünder Peter Nikopensius

   "  Johan Leppason