Juhhan Wössoberg kaibas et Jakob Pabusk ei olle mitte termini pääl rahha ärrä maksnod 1ne Sep 500 R ja et sellegä om kontraht rikkutu ja et temmä ennämb neid Lokkotaja tallo maad ja krundid ennämb Jakob Pabuskil ei anna.

Jakob Pabuski käest sai küssitu, et kas sinnul om 1se Septembril kontrahti perrä maa ostmisse rahha 500 Rubla ärrä masseto Johann Wössobergil üttel temmä, et temmä om rahha winod ja pakno agga Juhhan Wössoberg ei olle rahha wasto wõtnod

Juhhan Wössoberg üttel, et Jakob käwwe mittu körd sääl eggä minna ei tea kas temmä rahha perräst käwwe wõi muido.

Jakob Pabusk üttel, et Jagosing tunnistaja

Karl Jagoson tunnistas et Jakob Pabusk om temmäl tee pääl wasto tulno ja temmä om küssinu kus sinna lähhäd, om Jakob Pabusk üttelno wasto, et mul om omma Herräle rahha wija tärmini päle.

Tunnistusse perräst jääs polele.

Gustaw Hörsberg tunnistas, et Jakob Pabosk om Juhhani poolt tullen tee pääl wasto tulnud, ja Gustaw om küssinu kas rahha ärrä massid Jakob om üttelno et rahha es wõtta ja om üttelno et sul om aigo Jürripäiwäni massa, mis ma rahha nakka hoitma.

Juhhan Wössoberg om kohto mann üttelno kui ma rahha wõttan kus ma issi siis lähhän, ja Jakob käwwe ja kõnneli rahhast eggä minna ei tea kas tal olli rahha pohhun wõi es ollen