E Krap perrisma piddäjä Räppinä wallast Könno külläst kaibas kohto een et temmä rentnik Jakob Hindow om rohkemb linno mahha küllino kui kontraht ja lubba külwi olli, lubba om Jakob Hindowil külwä kontrahhi perrä No 6 al 4 wakka Linno semend.

Ülle kaemas ja mõõtmann om käino Wallawannemb Paap Kiudrow, pea köhtomees Jaan Holsting ja Hindrik Toding nink wöölmünder Widrik Malberg mõõtmisse aig om leito 7 5/6 wakkama maad 4 wakka seemne alla om arwato 6 wakkamaad maad jääs lisnas 1 5/6 wakka maad

Madam Krappi nõudminne om trahwi ehk kahjo tassomist waestel mõista 15 Rubla 1 wakkama päält.

Jakob Hindowi käest sai küssitu üttel temmä et temmä 4 wakka semend mahha om küllinu, selle kaejad ütliwäd et se ei olle õige ja et rohkemb semend om senna mahha küllitu.

Kohhus mõistis, et Jakob Hindow peab 6 Rubla maksma waeste ladikus selle perräst et temmä rohkemb kui lubba olli om küllinu, ja kohho om seddä külli keskmist jaggo kige walla rahwa küllimisse perrä arwano. 14 Dez peab masseto ollema. §773 om ette kulutedo.

Rahha om ärrä masseto.

Pä kohtomees Jaan Holsting

Kohtomees Kristian Wössoberg

Kohtomees Jakob Türkson

Kohtomees Paap Kress

Kohtomees Hindrik Toding