Ette tuliwa kadonu Peter Orrawa laste ja naise Leeno Wöörmündre Peter Pai ja Jaan Rikkas Salusest ja Jakob Orraw ja palsiwa all pool lepingut Protokolli panda.

Leping.

Jakob Orraw tulep kadonu Peter Orrawa läsja Lenole mehes ja saass selle Orrawa talo N45 kige selle warandusega mes Protokollin 2 Aprilist s.a. N 36 saisap henda kätte ni kawwani kui kadonu Peter Orrawa wanemb poig Kusta Orraw täüsealises saap, se om seeni kui 1903 aastani. Pääle selle waranduse jääp weel ka see warandus, mes Leeno sisse om toonu ni kui Protokollin xx N 102 saisap Jakob Orrawa kätte. Kui Kusta Orraw täüsealises saap ja elu neil ütten ei peas sündima ja Jakob Orraw erale tahap minna lubawa Wöörmündre temale - Jakob Orrawale - üts ort kraami pandmise tarbis ja üts hoone elaja pandmise tarbis, mõts maad kuwwe wakka ala nimelt Külma lätte saos ja Jagu mägi ja prii korter majan haina maad see jago mes selle nimitedu maa wahel om. Hoone peap Jakob Orraw kiik hään kõrran hoitma ja kui tarwis ka wastsest ehitama. Aija maad saap Jakob Orraw nelja koonitsa ala. Magasi wõlg peap Jakob Orraw kiik ära masma mes sellel talol om, ni kui ka kiik kogokonna raha wõlg. Kui Kusta Orraw täüsealises saap ja oma maja kätte saap massap tema Jakob Orrawale raha wõlgu 16 / kuustõistkümmend Rbl.) Rbl. mes nüüd selle talo pääl om ja Jakob Orraw omast rahast ära massap.

Wöörmündre: Peter Pai XXX

        "                Jaan Rikkas XXX

Lepja: Jakob Orraw XXX

Et see leping nida om sündinu tunnistap tõttes kogukonna kohus.

Pääkohtumees J. Kabist [allkiri]

Kohtumees P. Sillaots [allkiri]

        "           Peep Klais [allkiri]