Räppinä wallast Radama külläst kirriko wöölmünder Gottlieb Heidorw kaibas kohto een, wasto Pedo Heidbekki et Pedo Heidbek om temmä naist teotano ja üttelno et sinna olled issi hora pälik sinno naine om Pedo Heidbekki käest sai küssitu üttel temmä et Gotli om teddä soimano sinna linno warras, siis temmä om wasto üttelno et sinno naist peab Lewakol läbbi wõtma malgo ruhtma.

Peter Warres tunnistas et minna ei tea muud middägi kui nurme pääl Pedo sõimas Gotil wasto Gotli es ütle middägi ja üttel ka et Pedo om üttelno et sinno naine käib Lewakol horaman ja om ka üttelnu Gottil et sinna issi olled hora pälik.

Palloga tunnistas et temmä om näino kui Lewakul Gotli naine Helsneri poia Willa Karsia meistri manno om länno poisile selgä.

Peter Warrep tunnistas ka kulno kui Pedo naine Jula om sõimano Gottlid et sinna maggad litsiman.

Kohhus mõistis, §1097 perra et Pedo Häidbek peab 2 öd päiwä nink naine 1 päiw trahwi perräst törmän istma söimamisse eest

§773

Gotli üttel et se trahw ei olle middägi ja pallel prottokoli.

Pä kohtomees Jaan Holsting

Kohtomees Jakob Türkson

Kohtomees Gustaw Tolmusk

Kohtomees Hindrik Rämmäsk