Hindrik Lieber kaiwas sisse et temmäl om ütte lauda ülles teggemise palka saija Peter Kalmuse käest 11 Rbl nink palles sedda rahha kätte. Peter Kalmus ütleb oige ollewa et Hindrik Lieber ütte lauda om ülles teuno, ent kattuse pääle ommawa weel latti löömatta jääno nink üts ots om halwaste ülles tettu, ja paja mulke ei olle ka tettu. Hindrik Lieber ütleb et latto löminne ja usse teggeminne ei olle leppitud olno. Johann Uttsall ütleb et leppitud olno laud täwwe kelpaga ülles tettä, üts ots saiwa päält kelpaka, latto peawa pääle löötud ollewa om leppitud olno ent usse teggemist ei olle leppingo man kuulno.

Moistetud sai

Peter Kalmus peäb 9 Rb kätte massma 8 päiwa sissen Hindrik Lieberile ent 2 Rb jäewa sisse Peter Kalmuse kätte sest et leppimise perrä ei olle tettu parja, roodmatt löömatta jäno ja üts õts halwaste kelpatud  olno.

Päkohtomees Mihkel Kolga xxx

Kohtomees Jaan Wenzli xxx

d Mihkel Jeret xxx

Kirjotaja W. Ackel