Tõiselt tulli ette Miina Treiel temma wöölmunder Tannil Kärner mes sel 2 Januaril poolele jäije tunnistaja Kusta Kraw Sootlast ja Jaak Nitowa Sabernast nink kaibas et kui Adam Lukkatz tedda tullo hendälle kauplema sis lubano Adam Lukkatz tood kohot wälja käwwa mes Tamme kogokonna kohhos temmale om massa mõistno ja ütles nüüd ei olle Adam Lukkatz üttegi kohot minno eest käino ja pean nüüd henda käest sedda wõlga wälja masma tõiselt kaibas et Adam Lukkatz om minno hendalle teendjas kaubelno ja nüüd olle minna temma welle mann nõudis tolle eest ka ajastaja palka Adam Lukkatz käest. 

ja andis tunnistajas Kusta Riit Johann Uibo Leenu Soldan Karraskist Kusta Kraw Sootlast, nink Jaak Nitowa Sabernast. 

Kutsoti ette Adam Lukkatz nink saije Miina Treiel kaibus ette loetus, kes selle edimätse kaibuse punkti pääle ütles, kuis minna sis wõin särast kohot wälja käwwa mes Miina Treiel essi om ärra lepno kui temma ka tõise man olles teenistussen olno sis olles too leppito rahha iks ni samma Miina Treielil massa olno, egga minna ommet temma wõlla masja ei olle woise ka olla et ollen lubbano tood kohot wälja käwwa sest et nätta om et säält middägi wälja ei tulle sis jätti ka ni samma.

Tõise kaibusse pääle ütles A Lukkatz wõiwa tunnistaja tunnistada kuis too lepping om olno. 

Kutsoti ette tunnistaja Sootla wallawannemb Kusta Kraw ja sai küssitus mes tema woip tunnistada Miina Treiel kaibus asjon Adam Lukkatz wasta. 

Kusta Kraw ütles minna kulin ennegi et Adam Lukkatz lubbas Miina Treiel kohot wälja käwwä ni et Miina Treielil tollega midägi teggemist ei olle. Sis sõitno Adam Lukkatz Miina Treieliga Maritse kerko manno nink Maritse kõrtsin pakno Miina Treiel Adam Lukkatzil weel käe rahha taggasi ent Adam Lukkatz ei ollewat wõtno

Tõine tunnistaja Jaak Nitowa Sabernast ütles ni samma kui Kusta Kraw omma tunnistust andis. 

Tõise kaibusse punkti pääle saie ette kutsotus tunnistaja Kusta Riit kes ütles Adam Lukkatz kutse henda manno omma mõllembit tütrikut ja küssino kumb teist tahhap minna welle manno minnä sest minnol katte tütriko ei olle waja, sis üttelno Miina Treiel minna lähhan sinno welle manno teenistuste  Leena Soldan wõip sis sinno manno jääda 

tõine tunnistaja Johann Uibo ütles minna ollin tagga kambren es kuule neide juttust middägi. 

Kolmas tunnistaja Leena Soldan ütles ni samma kui Kusta Riit et läts omma hää tahtmisse perra Adami welle Dawita manno teenistusse. 

Otsus  Kohhos mõistis Miina Treiel edimast kaibusse punkti selle perrast tühjas, et Miina Treiel essi joba olli ärra lepno, kes sis tood kohot wõip wälja käwwa, tõiselt et tunnistaja ka mitte es tija üttelda kelle pääle se kahjo olles tulno kui ka Adam Lukkatz sedda kohot olles käino. 

Tõise kaibusse punkti mõistis kohhos tunnistusse perra ka tühjas selle et kui Miina Treiel es olles tahtno Davit Lukkatz manno häämelega minnä sis olles wõino warsti kaiwata. 

Sai kohto Otsus nink § 772 ja 773 kohton käiadelle ette loetus ent Miina Treiel es olle rahho et arwas hendal liiga tetto ollewat pallel Protokolli mes kohhos mitte es lubba anda. 

 (LS) Protokoll wälja antu Januar 19l 1876.                                           (Alla kirri)