Tõine kohhos sel sammal päiwal  Kohtomehhe ne samma. -

Tulli ette R. Grünberg ja kaibas et Jaan Mark om laskno omma zigadel arwata liigi 15 wirgest kartohwlit ärra zongi nink süwwa, ni kui ka Pääkohtomees Jaan Tullos sedda kahjo om ülle kaeno, sügise enne kartohwli ülles wõtmist nink nõudis et om kige wähhamb 10 kõrda Jaan Mark zea kinni ajano säädüsselik kinni ajamisse trahw üts rubla egga kõrra päält se om kümme rubla nink 15/ wiistõistkümme rubla ehk 15 wakka kartohwlit mes minnol wähhamb wirgese wõtmisse perrä wälja tulli, nink üttel weel kui Jaan Mark peas todda salgama sis wõiwa kiik maja rahwas sedda tunnistada et minno kõnne õige om. -

Kutsoti ette Jaan Mark nink sai R. Grünberg kaibus ette loetus kes selle pääle ütles, minna olle keeldno et nemma minno kaiwust wett ei tohhi wõtta nink Kohtomees Jakop Uibo om ka sedda keelmist kulno wee toomisse mann wõttiwa nemma aija mulgo mahha ja sis lätsiwa säält mulgost zea wälja nink omma küll kahjo tennewa ennegi et kaiwust ommawa weet toono tahha minna kaiwo lahkmisse eest 50 rubla R. Grünberg käest nink andis tunnistajas Michel Rattus nink Marri Troon. -

Kutsoti tunnistaja Michel Rattus kes ütles Jaan Mark keelt iks küll wee toomist ja üts kõrd wõtse R. Grünberg kard pangigi kaiwost wett kui waldas maan olli. -

Kutsoti ette teine tunnistaja Marri Troon temma wöölmunder Tannil Kärner ja sai kohto poolt küssitus mes temma wõise sest wee toomissest tunnistada tolle pääle ütles Marri Troon weet küll nemma kanniwa ennegi et aija mulko mahha olliwa jätno too ei olle õige ei olle minna ka mitte nänno. -

Otsus   Kohhos mõistis mõllembite kaibust tühjas eesmalt R. Grünberg kaibust selle perrast et kui weet es olles kaiwost toono egga sis Jaan Mark kartohwli tassomissest ei olles wallale päsno. -

Toiselt Jaan Mark kaibust selle perrast et wee toomisse perrast ei sa ütski kaiw lõhhotus too kaiw wõip jo kige wähhamb üts 30 ehk 40 aijastaija wanna olla nink om ka Janipabo tallo iks saalt seni ajani weet toono enne Jaan Marka. -

Sai kohto Otsus nink § 772 nink 773 kohton kaiadelle ette loetus ent R. Grünberg es olle selle perrast rahho et aija mulk ei olle mitte üts kord maan ollo kos zea wõinowa wälja minna pallel Protokolli mes kohhos lubbas anda. -

                                  Karraskij kohtomajan sel 30 Januaril 1876

                                                          Pääkohtomees  J. Tullos

                                                           Kohtomees      J. Uibo

                                                       teine       do    -    M. Wõsso