Peter Uibo kaibas, et Jaan Kallas tälle teenitut palka 16 rubla 20 kop. ja kübara raha 1 rublat kokko 17 Rbl 20 kop. ära ei maswat, tema olnu Jaan Kallase man teenistuses 25. Marzist 1885, 25. Marzini 1886.

Wastut Jaan Kallas kaibuse pääle et Peter Uibo ollew Suwwel 18 päiwa haige olnu talwel 10 päiwa, muido ärawiitnu 6 päiwa suwel  19 päiwa talwel, kohtu pääl 6 päiwa ja laadel 6 päiwa käünu. Kokko 66 päiwa, palka ära ollew saanu 8 Rbl 60 kop, kübara raha 1 rubla ei ollew tema lubanu. 25 rubla olnu palka lepitu, tema ei wõiwat selleperast palka wälja massa et se nipalju päiwi ära wiitnu suwwe päiwa rehkentaw tema 50 kop. ja talwe päiwa 30 kop. päiw. 

Tõent selle pääle Peter Uibo, et tema ollew 4 päiwa enegi haige olnu ja 8 päiwa muido ära wiitnu ja tema ema ollew Jaan Kallassele 16 päiwa tennu ja enegi ütte mõõdu rüki saanu. Selle wasta tõent Jaan Kallas et ema enegu 6 päiwa tennu. Jaan Kallas and tunnistajas Peter Pai ja welle Jakob Kallas.

Otsus:

neid ette kutsu

Pääkohtumees J. Kabist [allkiri]

Kohtumees P. Sillaots [allkiri]

      "              P. Klais [allkiri]