Neljandalt tulli ette Johan Seeme, ja kaibas, temma sõitno Karraskiy kohto päält koddo, nink lännu Tilli kõrtsi sisse lämmale, ent Adam Kroon ollnu ka sääl, ja nakkanu tedda sõimama, nink nimmelt, sinna Kassaritsa Prowwa haina kuhja warras, sinna kurradi warga näggo, Zea palle, ja Kurradi Sant minna pea sinno toitma, hommen päiw tallita sulle Posti hobbese, kellele wargust woip sinno Aidast wälja wõtta - tunnistada wõiwat Karel Kumm, ja Jakob Astel.  nink pallel kohhut henda sõimussel abbis.  selges tetta. 

Kutsuti ette Adam Kroon, ja sai kaibus ette loetus, kes selle pääle ütles, et temma ollnu Tilli Kõrtsin een, ja Johan Seeme tullnu ka sinna sisse, nink üttelnu Ad. Kroon´il minna pea sinno ja sinno latsi toitma, sis ütli minna temmal, kes minno seeni ajani om toitnu, se toidap minno nüüd ka, se om minno omma töö,  minne wälja, ja jätta minno rahhu, ent sõimanu ei olle minna tedda mitte. -

Kutsuti ette tunnistaja Karel Kumm, ja sai küssitus mes temma nännu ja kuulnu J. Seeme sõimamisse perrast, kes wälja ütles, temma ei ollewat middagi nänno, ei ka kuulnu, temma käünu wälja hobbest kaema, nink ei ollewat middagi tähhele pandnu, ei wõiwat ka mitte middagi tunnistusses üttelda. -

Kutsuti ette teine tunnistaja Jakob Astel, ja sai kohto poolt küssitus mes temma om sis kuulnu, kes ütles, minna ei olle middagi kuulnu ei ka nännu ei woi ka middagi tunnistada. -

Otsus   Kohhus moistis tunnistajatte wälja ütlemisse perra J. Seme kaibust tühjas, Sai kohtomoistminne ja § 772 n: 773. kohton-käüjattele ette loetus, ent Johan Seeme es olle sellega rahhul, et arwas hendal liiga tettu ollewat, sest et tunnistaja ei ollewat õiget tunnistanu nink pallel Protokolli, mes kohhus es lubba anda. -

(LS)                   Protokoll walja antu sel 18al Fbr 1876.

                       Karraskij Kohtomajan sel 13al Februaril 1876.

                                                                            Eenistja,  Jaan Tullus XXX

                                                                             Mannistja, Jakob Uibo  XXX

                                                                               Abbi,        Johan Raig  XXX