Karraskij Kogokonna kohos Jusal sel 20 Webruaril 1876

 Tulli ette Tiggase Jaan Undritz pooleterramees Kusta Adam Mäggi ja kaibas et om linno saanu puhhastedus ja müüdus ent Jaan Undritz ei ollewa temmal 20 punda 17 nagla est mitte sedda poolt rahha andnu, mes temma jaggo piddi ollema. 

2, Kaibas et om 2. ellajat jätnu nink ei saawat ni paljo põhko, et woiwat ülle piddada, pudi põhko saanu weidi, ja wärski pikka õlle ollewa Jaan Undritz ennambäste kik kattusses ärra prukinu, kos temmal piddanu kigest pool tullema. 

3. Kaibas et Jaan Undritz ollewa pool wakkamaad kige parrembat linna ärra wõtnu, kos temma middagi ei ollewa saanu. 

4, Kaibas et Jaan Undritz ollewat nelja wakkamaa haina maad wälja müünu, kos ommetigi temmal piddanu pool ollema. ja

5, ollewat 2. sülda puid saada ja ei andwat neid ärra. 

Kutsuti ette Jaan Undritz ja sai kaibus ette loetus kes eddimätse punkti pääle kostust andis ja ütles, temma om minnol rahha wõlgo, selle wõtsin minna se pool linna rahha, se om 23 rubla 1. koppik hendale kos temma minnol weel 8 rubla 13 koppik selget lainatud rahha pääle selle wõlgo jääp. 

2, punkti pääle ütles, minna ei olle ennamb mitte, kui ütte rehhe õlle kattusses wõtnu. 

3, punkti pääle ütles, minna olle essi linnamaa arrinu, ja külwnu, too maa ehk linna ei puttu temmal middagi. 

4, punkti pääle ütles, too hainamaa es olle suur assi, ja too hainamaa teggija om ilma minno teedmatta tedda ärra tennu.  ja 

5, punkti pääle ütles, minnol olli nelli sülda puuriit pikk nink täwweste 6 jalga kõrge, se om temmal kätte saanu, mes temma weel tahhap. 

Otsus   Kohhus moistis, selle et Jaan Undritz katte kõrra kohto kutsumisse pääle, mitte kohto ette ei olle tulnu, massap temma waeste laati 1. rubla trahwi, nink 

1, punkti pääle, et Jaan Undritz peap se linna rahha se om 23 rubla 1. koppik Kusta Adam Mäggi´il kätte andma, eesmalt selle perrast et Kusta Adam Mäggi ei olle weel säält majast ütte koppikat saanu, nink temmal om praego Kergulla kätte henge päärahha massa ja ei olle kostkilt mitte wõtta, ja teiselt selle perrast et ei woi mitte essi omma õigusse moistja olla, sest Kusta Adam Mäggi om kige ellamissega temma käen. 

2, punkti pääle, et Jaan Undritz om wärski õlle kattusses ärra pruukinu ja ellaja mitte wanno pikki õlgi ei söö, peap Jaan Undritz, Kusta Adam Mäggi´il 40. punda wärskit pikki õlgi andma mes söödas kõlbawa. 

3, punkti moistis kohhus tühjas, sest et  Jaan Undritz essi se linna olli tennu, ja se maa temmal middägi ei puttu. 

4, punkti pääle arwas kohhus, et se hainamaa kohto teedmisse perra suus assi ei olle, ent siski pooleterramehhega piddi pooles saama, peap Jaan Undritz, Kusta Adam Mäggi´il 2,5 punda hainu selle est massma.  ja 

5, punkti moistis kohhus tühjas, selleperrast, et ei olle wasta wõtmisse aigo, kohhut ülle kaema kutsnu.  

Se kohto poolt ärra moistetu peap Jaan Undritz, Kusta Adam Mäggi´il, kik 8 päiwa sissen wälja andma, 

Sai kohtomoistminne ja § 772 .nink 773. kohton käüjattele ette loetus, ent Jaan Undritz es olle sellega rahhul, et arwas hendal liiga tettu ollewat ja pallel Protokolli mes kohhus ka lubbas anda. 

Karraskij Kohtomajan sel 20.al Webruaril 1876.

    Kohtomees, Jakop Uibo.  XXX

             Abbi   , Johan Raig  XXX

             Abbi  ,  Jaan Lodus  XXX