Gustaw Wössoberg kaibas kohto een, et temmä om Pilleti Soldat Rein Raudnaski hendäle sullases palgano Lihhawette keskmisse pühhäl sel 29 Marzil 38 Rubla palka leppitu ja 1 R käerahhas sano sest rahhast 23 Aprillil om Rein lubbano manno tenistuste minda Agga kui 26 Aprill kuu päiw kätte om tulno ei olle sullast mitte manno tulno, ja nüüd om temmä selle pettusse perräst ilma sullaseta jänud minkaga temmä mitte rahhol ei wõi jädä, ja pallub sädüsse juhhatamisse perrä ommale õigust mõista ehk palgako Rein teist sullast assemale.

Rein Raudnaski käest sai küssitu üttel temmä, et om palgano 26 Märzil kül Räppinä kõrtsin Gustaw Wössobergil sullases agga selle perräst temmä ei olle länno et temmä om kulda sanod et sääl teeni ei jöuwa. Ja nüüd peab Zerna Jakobile ollema palgano ja senna teenmä länno.

Kohhus mõistis, §373, §374 perrä, et Rein Raudnask peab hommen päiw Gustaw Wössobergi manno teenmä minnama ni kui temmä om hendä palgano sullases.

§773 om ette kulutedo

Pä kohtomees Jaan Holsting

Kohtomees Jakob Türkson

Kohtomees Paap Kress

Kohtomees Gustaw Tolmusk

Kohtomees Kristian Rusand