Kristian Wössoberg perrismaa piddaja Lokkotajalt kaibas et sullane Gustaw Puksand 20 tö päiwä enne leppito aigo mant ärrä om länno ja temmä tö teggemättä jano ja puu raggomatta sullane om palgato 21 Nowembrist Jürripäiwäni 1871 ja 15 Rubla palka leppitu.

Gustaw Puksand käest sai küssitu üttel temmä et temmä om selle perräst ärrä länno et Kristiani welli Gustaw teddä om teotama hakkano, et temmä linno peab ollema warrastano; palk peab ollema keik weel Kristiani käen sissen Gustaw üttel et temmä om 3 Rubla kuu palka lepno. 5 kuud om leppitu aigo om ka 3 Rubla kuu päält.

Krisitani Wössobergi nõudminne om selle eest, et sullane om ärrä länno ja puid raggoma ei olle läno nõuwap Kristian seddä sullase palka siis jättä ja ei lubba seddä ärrä tenito palka massa.

Kohhus mõistis, §383, perrä et Kristian Wössoberg peab 5 Rubla sullase Gustaw Puksandil wäljä masma ja 10 Rubla jääs Gustawi palka Kristianil selle eest et temmä enne tenistusse lepmisse aigo ilma lubbata mant ärrä om lanno.

§773 om ette kulutedo.

Kohtomees Jakob Türkson

Paap Kress

Kristian Rusand

Gustaw Tolmusk