Karraskij Koggokonna Kohhos Jusal sel 20 Februaril 1876.

Tulli ette Musti moisa rentnik Heinrich Undritz ja temma kõrtsimees Jürri Saar. Undritz ütles tõisipäiwal sel 17 Februaril s.a. ommiko kella ütte aigo lätsi minna Tarto liina soitma, minno sullane Jakop Trath kui olli obbone ette pandno olli ka maggama heitno ent pea perran minno ärra sõitmist, kulno minno perrenaine et üts ussest wälja lähhap nink ennamb taggasi ei tulle, temma wotno tulli ülles kaep pois Jakop Trath om ärra kaono, hommingo tullep kõrtsimees Jurri Saar minno perrenaise poole ja ütlep minno obbosega om ööse sõideto ja wäega ärra hirmsaste ärra aeto ni et wai pea ots käen, ja mõisa reggi om ka linna kiwodega koon se pääle üttelno minno naine too om sis meie Jakop Trathi töö sest temma läts ka pea perran minno mehhe ärra soitmist hulkma, kolmapäiwal tulli minna ka Tartost kodo kos minno naine kiik mulle ärra sellet mes pääle minno ärra soitmist olli sündino nink olli ka kiik õige minno  linna nink kõrtismehhe linna olliwa poolendedo reggi linna kiwodega koon. 

Kutsuti ette sullane Jakop Trath ja sai H. Undritz nink J. Saar kaibus ette loetus kes ütles minna ei olle üttegi obbost nänno weel wähhamb linno warrastanno toost ei tija minna middägi üttelda. Sai kohto poolt küssitus kos sinna sis käisit, suura perra mõtlemissega ütles, minna käisin tüdrukuide man Taldo küllan wiemate ütles kui sai küssitusmes suggotse tüdriko mann, mes temma nimmi olli sull iks olli teeda kelle poole sinna lätsit kui tolle küssimisse pääle es moista wastotada sis ütles minna käisin õige Tiksi küllan nink ni eddesi.  ent linna wargosest es ütle temma middagi teadwat. 

Otsus    Keiserlikko Kihhelkonna Kohto Circolairi käskmisse pääle sest 6dast Maist 1875 No 2188 et ööse ümbre hulkgit nimmelt tüdrokode man kaigit kangeste trahwi, moistis kohhos temmale 30 witsa lööki. 

Sai kohto Otsus nink § 772 ja 773 kohton kaiadelle ette loetus, ent pääle Otsusse kulotamist tunnistust Jakop Trath et temma nimmelt too linna warras om olno ja Saberna kõrtsimehhele om wieno, selle et Jakop Trath süüd suremb olli kui kolmekümne witsa löögi wist es woi kohhos temmale mitte mõistetot trahwi ärra anda laske, nink jäije tõise kohto päiwa pääle selletada kos sis ütte Keiserlikko Werro Silla Kohto Otsusse alla saap jääma. 

Karraskij Kohtomajan sel 20 Februaril 1876. 

                                                      Pääkohtomees Jaan Tullos

                                                       Kohtomees  -  Jakop Uibo

                                                       abbi     do  -    Johan Raig