Räppinä Friedholmi moisast Neisar kaebas Siwesti Friedholmi Herrä assemel, et Paap Jonasingi laps om haino warrastano pöimno krawi werest selle päle om Friedholmi Herrä üttelno monamees lapse essäl et temmä omma lapsel hirmo annas moisa wallitseja silma al agga Paap ei olle seddä tenno, päle selle om sel sammal körral lapse Emmä Marta Herräl kroppo wisil sanno andno ja kui Herrä om käskno andis talle palluma ei olle temmä mitte länno selle päle om Neisar Herrä assemel kaibama tulnu;

Paap Jonasingi käest sai küssitu üttel temmä, et temmä koddon ei olle olno ja ei olle kau nänno ja ei tea

Marta Jonasingi käest sai küssitu üttel temmä et Herrä om temmä tarre länno ja küssinu anna hainad sija ja Marta ei olle sest middägi teedno et laps haino om tonod selle päle et Marta haino ei olle kätte sanod herräl anda selle päle om Herrä temmäle lönod ussega siis kui ust om wallale laskno, Marta ütleb et temmä om üttelno et sa ei olle kellegi Herrä, et sa tulled mona mehhe tarre Marta üttel et temmä om haige ärrä heitno, ja Herrä pollest om ülles anto et teddä ennämb töhhin ei wöeta et, wõib enegi mehhe korteris ellädä mees ja sullane peab tööl käimä.

Paap Jonasing üttel et temmä mant sullane om ärrä länno ja temmä tahhab ärrä minda Herrä mant, selle perräst et mona ei olle anto.

1se Julil om moon sada olno.

Kohhus möistis et Paap Jonasingi naine Marta peab 1 Rubla trahwi waeste ladikus masma selle eest et temmä hendi ei allanda eggä herrä wasto head sanna ei anna, Ja jääp tööst wallale Mees peab sullasega omma eggä päiwäst tööd teggemä. eddesi.

Pä kohtomees Jaan Holsting

Kohtomees Jakob Türkson

Kohtomees Gustaw Tolmusk

Kirjutaja J. Jaanson <allkiri>