Tulli ette Johann Uibo ja kaibas et Johann Kuhhi wõtno temma käest /35/ kolmkümmend wiis rubla wõlgo pääle om 30 rubla sest rahhast küll ärra masno, ent 5 rubla masmatta kui minna too wieje rubla perrä nõusin sis ütles et minna temmale ennegi 30 rubla ollewat andno. - nink andis tunnistajas Johann Peitli nink Jaan Illo. -

Kutsoti ette Johann Kuhhi sai Johann Uibo kaibus ette loetus, kes ütles minna olle ennegi temma käest 30 rubla saano ja om ka masto, kui temma minno kambren rahha wasta wõtse sis es lauso temma toost mitte üts sõnna, ent kui tedda saatma lätsin sis ütles, kui häste olli wälja mõtteldo kuis tetta tullep, et minna temmäga weel 5 rubla wõlgo jääno ollewat mes sukkogi õige ei olle.- 

Kutsoti Johann Uibo ülles anto tunnistaja Johann Peitli ette ja sai küssitus mes temma sest rahha lainamissest wõip tunnistada kes ütles minna näggin kui Johann Uibo andis Johann Kuhhile 25 rublalinne suur 5 rublalinne nink 2 tükki mes 3 rubla se teggi 36 rubla wälja Johann Kuhhi andis ommast kottist 1 rubla taggasi sis jäije 35 rubla perra  Teine tunnistaja Jaan Illo ütles minna küll näggin et rahha sai antus ennegi essi minna just küll mitte es loe paljo tedda sai. -

Otsus  Kohhos mõistis tunnistusse perra et Johann Kuhhi peap Johann Uibole se masmada jattet 5 rubla 8 päiwa sissen ärra masma 

Sai kohto Otsus nink § 772 ja 773 kohton käiadelle ette loetus ent Johann Kuhhi es olle selle perrast rahho et tunnistaja ommawa wõlsi kõnnelnowa pallel Protokolli mes kohhos ka lubbas anda. -

                                                                         Alla kirri nago üllewalgi