Tulli ette Johann Raig ja kaibas et om Johann Sõõrd käest üts paar saapa seeri 20 kop eest ostno rahha olli mull küll masmada nüüd tullo Johani naine Marri Sõõrd ja tahtno saapa seeri ärra wõtta minna es tahha laske pedasin kinni sis leie mulle Marri Sõõrd kolm kõrd rindo katte russikoga nigo wähha jõudis, sis tulli weel Johann Sõõrd wäljast sisse wõtse minno lõrist kinni wisas sängi säält tõmmas mahha weddasi mööda tarre kolm kõrd nink sõkse põlwiga rindo pääle, nõudis tolle henda pesmisse eest 50 rubla. - ja and tunnistajas Jaan Uibo Kannepi köstre koolipois. -

Kutsoti ette Marri nink tem(m)a mees Johann Sõõrd sai üllewan(n)e kaibus ette loetus kes obis ärra sallasiwa nink ütliwa Johann Raig om minno naist Marri küll pesno minna ei olle tedda sukkogi putnogi ammo lätsin minna tedda weel pesma, weel wähhamb jõwwap üts naisterahwas üttele mihhele wasta wõtta too ei olle mitte õige. -

Kui tülli olli ärra olno sis kutsno Johann Raig Pääkohtomeest Jaan Tullos asja ülle kaema ja keelma, sis üttelno Jaan Uibo et just ni õige om kui Johann Raig om kaibano nink Jaan Tullos ülle kaemisse aigo ollo ka Johann Raigal üts arm kaala pääl kost kinni olli wõtno. - 

Otsus  Kohhos moistis et Marri Sõõrd tülli allostaja olli massap tema tunnistusse perra üts rubla Johann Raigal ja wiiskum(m)end kop waeste laati trahwi nink Johann Sõõrd et om ka weel pääle lööno massap ni sam(m)a üts rubla J Raigal nink wiisküm(m)end kop wallawaeste laati trahwi se om 2 rubla Johann Raigal ja üts rubla waeste laati mes kiik kattesa päiwa ajan peap ärra masto ollema.

Sai kohto Otsus nink § 772 ja 773 kohton käiadelle ette loetus ent Marri ja Johann Sõõrd es ollewa sellega rahho pallelsiwa Protokolli mes kohhos lubbas anda.