Karraskij Koggokonna Kohhos Jusal sel 12al Marzil 1876.

Tulli ette Jaan Hack, Krootussest ja kaibas, et temma ollewa Hindrik Undritz käest katz maija ostnu, nink nimmelt,

/Karrasky Koggokonna jaust/

ja suusõnnaga Leppitu hinna est 156. rubla Thalerd, nink nüüd om Hindrik Undritz pandnu 165.rubla Thaler, sis ei woiwat temma selle hinna est mitte wõtta, ja pallel kohhut sedda asja selletada, ja ütles, et andko H. Undritz, selle Suusõnnaga Leppitu hinna perra ne Maja, ehk minnol om 150. rubla neide Majade pääle käe rahhas sisse massetu, [andko minnol] toppelt käe rahha taggasi, se om 300. rubla, nink tunnistada woiwat selle asja perrast, Warbus´est Johann Kuhhi ja Krotussest Maa rentnik, Jaak Jassik, 

Kutsuti ette Hindrik Undritz, ja sai kaibus ette loetus, kes selle pääle ütles, Jaan Hack massis minnol 150. rubla, Kokkeri ja Jusa tallode est sisse et minna toisele ennamb es woi ärra anda, nink minna ei olle ka enne kelleki, teisele andnu ehk müünu, kui Jaan Hack, ommalt poolt minnol omma Ostmist ülles ütles, et temma ennamb ei wõtta, sis olle minna teisele ärra müünu, Kui minna olle kauba hinda üllendano pääle ärra leppimist, wõiwa tunnistada, Kokkeri Maja Rentniko Jaan Wõsso, Jaan Läwwi, nink Kandimees Michel Järg, nink kui Jaan Hack, minnol omma maja ostmisse kaupa, minno wahel, minnol taggasi ütles et ei wõtta, woiwa tunistada, Märt Toom ja Michel Walge.

Sai ette kutsutus Jaan Hack, eddimanne tunnistaja, Johan Kuhhi Warbus´est, kes wälja ütles, et temma lännu ka Undritze poole maja ostmisse perrast, kos H. Undritz temmal ollewa üttelnu, et, ei woiwat ennamb saada, et ollewa 155 rubla Taaler mõllemba Maja ärra lubbatu, muud ei tija üttelda. 

Kutsuti ette, Jaan Hack, teine tunnistaja Krotusse Moisa maa rentnik, Jaak Jassik, ja ütles küssimisse pääle wälja, et minna ei tija middagi üttelda, kas neil olli 150. rubla, woi 300 rubla Taaleri päält leppitu, muud kui, et küssisin Undritza käest kas teisele ka weel woit müwwa, selle pääle ütles H. Undritz minnol, wast ka kui Kaup sünnip, ennamb minna ei moista middagi üttelda. -

Kutsuti ette, H. Undritz, eddimanne tunnistaja Jaan Läwwi, kes küssimisse pääle wastus andis, ja ütles, et, Jaan nink Jürry Hack tullnuwa Maija kaema, sis omma Kokkeri maja rentniko, (Jaan Wõsso, ja Jaan Läwwi) küssinuwa et maja renti oddawambas jätta, et ei sa mitte  rendiga wälja, selle pääle üttelnu Jaan ja Jürry Hack, meije ei woi mitte, allamb 10. rubla Taaleri päält Renti jätta sest et meil om kalliste ostetu nink nimmelt om meije ostmisse hind 165. rubla Taaleri est, ennembi lubbame Linna rohkemb mahha tetta. 

Kutsuti ette H Undritze teine tunnistaja Michel Järg, kes ütles et J. Hack lännu Warbusse walda, nink tulnu temma maijast mööda, mes ka selle ostmisse Krundi sissen om, ja üttelnu temmal, anna sinnagi nõwwo, woi kui sinna kittat, et hind om suur tahhetas 165. rubla Taaleri päält, kas wõtta, woi ei, minna ütli, mes nõwwo minna woi anda, teed essi ni kui tijat, sis üttelnu J. Hack wijmate ärra minnen, olgo mes taht ärra ikkes waija wõtta. -

Otsus   Kohhus moistis J. Hack kaibus tühjas, ja kaotap omma sisse massetu 150 rubla käe rahha, eesmalt selle perrast, et om essi leppingut murdnu ja taggasi üttelnu, ja teiselt selle perrast et üttegi tunnistus kirja, leppingo ülle ei olle, ja essi omma Suuga om üttelnu, et ikkes 165. rubla Taaleri est nõwwetas ja tullep massa. 

Sai kohtomoistminne ja § 772. n: 773. kohton kaujatell ette loetus ent Jaan Hack, es olle sellega rahhul et arwas hendal liiga tettu ollewat nink pallel Protokolli mes kohhos ka lubbas anda.