Jaan Kassak 18 aastat wana, et allealine sis man saisja Peter Kallas, kaibas, et Jakob Halop tema teenitu palka 1885 aasta eest 9 rublat ära ei maswat.

Wastut Jakob Hallop, et tema ollew Jaan Kasaka palka lepnu 7 Rubla, pääle pääraha ja ollew 4ja nädala koolitamise eest 4 Rbl. manu ja saapaste eest 3 Rbl. 50 Kop. Kokko 7 Rbl. 50 Kop. Selle wasta toent Jaan Kassak, et temal olnu lepitu 9 rubla raha, koolitamine prii ja pääraha.

Tunnistaja Karl Kallas 18 aastat wana Lutteri usku tunnist, et Jaan Kassak lepnu Wõrrul Frey hoowin Jakob Halopi manu tenistuste 9 Rbl aasta ja pääkoolin koolitada ja pääraha massa. Jaan Kassak tõent et saapa ollew saanu tema palga eest, ent 1884 aasta eest, sest 1884 aastal olnu tema ka Jakob Hallopi man tenistusen.

Nema es lepi.

Otsus:

Jakob Hallop peap masma 14 päiwa sisen a dato Jaan Kassakale palka 9 Rubla.

See kohtu otsus sai kohtun käüjile kuulutedus prg. 773 ja 774 Sääduse raamatust 1860 aastast ära selletedus. Jakob Hallop nõwwap Appellationi.

Pääkohtumees J. Kabist [allkiri]

Kohtumees

       "            P. Klais [allkiri]

Appellation Jakob Hallopile 4. Aprilil 1887 wälja antu.