Tõine kohhos sel sammal päiwal Kohtomehhe ne samma

Kannepi kooliwallitsusse kirja pääle sest 13 Märtsist s.a. No 16 sundmisse pääle sai ette kutsotus Karrasky walla koolmeister Gustaw Sibbul wasta Jakop Uibo, kes nida ütles, Jakop Uibo tulli sel 12dal Webruaril koolitarre manno ja ütles mulle mes perrast sinna minno tüttard ollet söömäta jätno, katte kiskmusse opmisse perrast et es mõista, tolle pääle üttelno Jakop Uibo kooliwannemba Jaan Punna kuulden kurradi põrglasse ommawa oppataija ni samma ka kiik sundja nink ni eddesi. -

Kutsoti ette kooli wannemb Jaan Punna ja sai kohto poolt küssitus et temma ollewat mann olno kui Jakop Uibo koolmeister om wandno, Jaan Punna ütles too oma õige et minna mann olli ja kuulin ka selgeste et Jakop Uibo ütles kui sõnnotellema lätsiwa kurradi  põrglasse ommawa oppetaija ni samma ka kiik sundka nink n.e.

Kutsoti ette Jakop Uibo nink sai üllewanne kaibus nink kooli wannemba tunnistus ette loetus kes perran ette luggemist ütles koolmeister om minno last 2 päiwa söömata jätno nink kolmandal päiwal läts minno tüttar Ann ommingo warra jälle söömata kooli nink koolmeister om sis jälle ilma lõuna söögita jätno konni kella säitsmenni õdango, kui õdango koddo tulli, küsse minna latse käest mes sinnol wigga om et ni kurb ollet sis üttelno et om söömata jääno ja näggin ka essi et söögi kott terwe ja söök kottin allale olli. - 

tolle pahhandusse pääle lätsin sis kooli tarre manno ja ütli koolmeistrele mes sinna minno last iks söömata jättat Kurradit ehk muud ni suggotsit sõimamissi ei olle minna mitte üttelno toost sadik ei koolita ka temma ennamb minno tüttard ja om Tahwli mant ka ärra ajano nink ütles weel koolmeister G. Sibbul ni samma ka kooliwannemb Jaan Punna ommawa minno wihhalasse selle perrast et mull neide käest rahha wõlga saia olli nink minna ärra nõusin toost saadik ommawa minnoga wihhalasse 

Otsus   Kohhos mõistis sedda kaibust tühjas selle perrast et Jakop Uibo arwas omma kaibajat ja tunnistagat wihha allotsis selle et Jaan Punna tälle om wõlgo olno ja nüüd ärra om nõudno tolle eest saano Jaan Punna Jakop Uiboga tülli mehhes.

Sai kohto  Otsus nink § 773 ja 774 kohton käiadelle ette loetus ent koolmeister G. Sibbul ütles too om kooli wallitsusse assi tekko mes tahtwa minna henda poolt ei tija middagi üttelda ja lätsiwa rahhon wälja. -

Kohto mann istja Jaan Leppason es anna mitte lubba omma nimme selle Otsusse pääle alla panda sest J. Leppason arwaminne olli Jakop Uibot kige allamb kolme rublaga trahwi. -

Pääkohtomees Jaan Tullos

abbi kohtomee Johann Raig

Sel 28al Martzil s.a. Protokoll, Kannepi kooli

wallitsusse kätte saadetu. -