Josep Häidesk Räppinä kirriko walla perremees kaibas kohto een, et temmä om omma ärrä warrastedo katla kätte sanod Jahhim Gerassimo poolt ja rõiwad mis ütten ärrä olli warrastedo om Jahhim issi Josepi pole perrä ärrä winud ja pudus om weel jäno 4 hammet, mis Jahhim ärrä ei olle tonod.

Jahhim Gerasimo käest sai küssitu üttel temmä et temmä omma naine ja Emmä om sedda kattalt warrastano Josep Häideski poolt, ja ka 1 külle alluse röiwast om ka nemmäd warrastano mis Josepi pole ärrä om wido, ja neo 4 hammet ei olle temmä naise eggä Emmä käest mitte leidno eggä kätte sanod.

Naine Lisu üttel, et nemmäd muus middägi ei olle warrastano kui 1 Kattal ja külle alluse rõiwas Ni samma tunnist ka Emmä et muud ei olle warrastano kui padda ja külle alluse rõiwas.

Josep Häidesk üttel neo 4 hammet om selle ärrä warrastedo rõiwaga ütte aja pääl olno rõiwas om üllewäl saibide otsan olno ja hammed om allan aja pääl olno, ja Josep arwas neo hammed 1 Rubla tük, kokko 4 Rubla.

Kohhus mõistis, et Jahhim Gerasim peab eggä ütte hamme eest masma 75 kop tükki eest kokko 3 R ja wargusse trahwi eest 1 Rubla kumbagil massa Emmäl ja naise Lisul ehk olgo 24 tundi törmän.

8 Nowembril peab masseto ollema.

teine törmän olno.