Jaan Hindow kaibas kohto een et sullane Josep Heidson peab ollema temmä mant ärrä länno tenistussest 1 näddäl aigo taggasi ilma perremehhe lubba ja teedmatta ja peab ka ollema omma aasta palga linnad ärrä ollema winud, ja peab ka omma aasta palga keswäd wäggisi ärrä ollema winud, selle perräst pallub Jaan Hindow omma sullast Josepo Heidsoni taggasi tallitada teenmä.

Josep Heidsoni käest sai küssitu üttel temmä, et temmä ei olle mitte tenistussest ärrä länno enge et temmä om selle perräst ärrä länno et temmä om haiges jänod, ja naise pole põddema länno ja Jaan naine om teddä 3 körd lönod sedda pallub temmä ärrä mõista agga teenma lubbab temmä taggasi issi hea melegä mindä.

Jaan Hindow üttel et temmä ei olle mitte lönod ja ei olle ka mitte halba sanna üttelno

Josep Heidson üttel et Jaan Hindowi naine Jula om teddä üts körd pu halloga lönod ja teist körd kollakoga su päle ja kolmat körd rehhä warrega ütte tülli aig.

Kohhus mõistis et Josep Heidson peab hommen päiw warsti perrmehhe manno taggasi teenmä minnemä, pesmisse perräst togo tunnistust.

Pä kohtomees Jaan Holsting

Kohtomees Paap Kress

Kohtomees Rein Lambing

Kohtomees Kristian Rusand