Karraskij Koggokonna Kohhus Jusal sel 16al Aprilil 1876

Tulli ette Leesmitti Johan Seeme pooleterramees Adam Kroon ja kaibas et Johan Seeme ollewat teistel lubbanu Tallo, Linnaleotussen linno leotadda nink selle perrast ollewat Wessi happos lännu, ja temma pandnu perran 12. koormat ka Linno sisse nink lasknu 5. näddalit leon olla nink ei olle pehmes saanu, ni et wiimati Lumme alla jäänu kiges Talwes, et küll leppitu ollnu, et ütski wõeras ei pea sen Tallo piirin Linno leotama, kos Peep Rehha sedda woip tunnistada, nink nõudis selle est Kahjo tassomist 75. rubla hõbbe. 

teiselt kaibas, et Johan Seeme om käsknu temmal ni paljo Ellajit ülle talwe jätta kui kontrakt ütlep, ja ei olle Söödaga läbbi tullnu, nink ollewat 3 rubla est põhko mannu ostnu, ja nõüdis sedda rahha taggasi. -

Kutsuti ette Johan Seeme ja sai kaibus ette loetus, kes eddimatse punkti pääle wastust andis ja ütles, minna noid leotuisi ei olle putnu kohhe temmal olli Risti sisse pantu, Leppingo aigo olli minno ütleminne, ne Leotusse mes sinna hendale tarwitat sinna panne risti sisse, nink kui eddimanne lummi ära läts käsksi minna Linno ülles wõtta, ent Adam Kroon es kuule minno käsku, nisamma teist ja kolmat kõrd, nink ni eddesi, nüüd tahhap ilma waiwata rahha saada, kos minnol om õigus, temma hooletusse läbbi nõüda. 

teise punkti pääle ütles, Kontrakti perra piddi temma omma Ellaja söötmisse põhho saama, sest et põhk om kik pooles saanu, nink sellega ka läbbi saama, kes selle est woip kui temma Rohkeste om lasknu ümbre käwwa, nink puudus om tulnu, nink ni eddesi. 

Kutsuti ette tunnistaja Peep Rehha, ja sai Kohtopoolt Linna leotusse perrast küssitus mes temma sest woip üttelda, kes selle pääle ütles, et tem(m)a om mann olnu, ja kuuldnu kui Johan Seeme om üttelnu, minnole ei puttu Linna leotusse middagi, tee sinna ni kui sa essi arwat hää ollewat muud ei tija minna middagi üttelda. 

Otsus   Kohhus Moistis, eddimatse punkti pääle, kaibusse ja tunnistusse perra, sest et Johan Seeme´l, Linna ülles wõtmisse kässu andmisse mann, tunnistajat es olle ülles anda, massap Johan Seeme, Adam Kroon´il 25. rubla hõbb. Kahjo tassomist, selle perrast, et om lubbanu wõerit Linno leotada, ja teise punkti pääle, massap Johan Seeme, Adam Kroon´il 3. rubla, selle perrast, et ei olle õigel ajal Ellaja Sööta poolest wõtnu, 

Sai kohtomoistminne ja § 772.n: 773. kohton käujatelle ette loetus, ent Johan Seeme es olle selle perrast raho, et temmal es olle tunnistust ülles anda, nink arwas hendal liga tettu ollewat, ja pallel Protokolli, mes kohhus ka lubbas anda. -

                                                 (Allakirri)

 (LS)  Protokol wälja antu sel 20al April 1876.