Ette tulli Jaan Aija ja kaibas, et Jaan Wassa, Jaan Adamsoni, Jaan Andruse ja Jaan Jakobsoni kari tema röä ära söönu, tema nõudwat kahjotasomist 4 wakka rükki. Pääkohtumees Jaan Kaabst ollew kahjo üle  kaenu ja tennistaja ollew Jakob Puustusma pooja Johan ja Peter ja Peter Aija poig Jakob.

Wastutiwa kaibuse pääle Jaan Wassa, Jaan Adamson, Jaan Andruse ja Jaan Jakobson et nema sellest röa söötmisest midagi ei teedwat, ent Jaan Wassa lisas mano, et tema elaja kül Jaan Aija röa nuka pääle ollew puttunu mida Pääkohtumees Jaan Kaabst ka üle kaenu.

Tunnistaja Jakob Aija 11 aastat wana Lutteri usku mansaisja esa Peter Aija, tunnist, et Jaan Wassa ja Jaan Adamsoni kari olnu Jaan Aija röa pääl. Ent Jaan Andruse ja Jaan Jakobsoni karja ei ollew tema mitte Jaan Aija röa pääl nännu.

Pääkohtumees Jaan Kaabst ja koht. Peep Klais, kes kahjo üle kaenu ütliwa, et rükka olnu kül nägemise perra söödu, ent kelle elaja söönu, ei teedwat tema. Kahjo olnu arwata 4 mõõtu rükki.

Otsus:

Ette kutsu Jakob Puustusmaa poja Johan ja Petrega.

Pääkohtumees: J. Kabist [allkiri]

Kohtumees: P. Sillaots [allkiri]

      "              P. Klais [allkiri]