1. Kioma hopman tulli ette ja pallel Pärti, kedda tema üten tonu ülle kulata: Pärt aste ette ja tunnist: temma ei olle üttegi asja neil kattel innimessel münu, ei ka middagi teggemist neidega olnu, temma ei tundwatgi neid hästi. Ado Kuk ja Peter Kuklas , kes ka ette olli kutsutu olli kats tunnistajit nimmitanu, ke ollew nännu, et Pärt sedda raudwitsa enne mümist Jukko seppä mannu om tonu, et Jucko sepp sedda piddanu katski ragguma ja kui sepp Michel Will sedda selleperrast ei olle ette wõtnu, et temmä ärratundnu et se üts warrastetu tõrdu wits ollnu om Pärt selle witsaga jälle koddu lännu. Ne tunnistaja olli Sepp Michel Will essi ja Johan Wasser, kes üttelissi ette olli tulnu:

Michel Will kutsuti ette ja tunnist: Pärt ollew kül temma pool ütte rawwaga käünu, agga se ollew üts linapostele wastne kang olnu, mes temma selle perräst ei olle ette wõtnu, et temmäl tol kõrral suggugi aigo ei olle olnu.

Johan Wasser aste ette ja tunnist seddasamma .

Mõistetu:

Et kõgest poolt nätta om, et Ado Kuk ja temma sõssare poig Peter Kuklas süüllatse om, agga nemmä siski ei tunnista. sis se assi suremba kohto kätte anda.

Päkohtomees Peter Seba XXX

Kohtomees Jürri Jõggewa XXX

   " Märt Porrila XXX

wöörmündr Johan Leppason XXX

  " Peter Nikopensius XXX