Neljandalt, tulli ette Perremees Adam Raig, ja kaibas, et temma lännu Pühhi poolpäiwal Jaan Pinkson poole Seppale, sis om tulnu Otsa Johan Kuhhi ka omma poisiga sinna Künni Raudu jakkama ja territsema, nink om neide Künni Raudu sean üts paar nisuggutsit künni Raudo olnu kui temma Künni Rawwa, (mes Rautpuu otsast nurme pääl mahha olnu raijotu nink Rawwa ärra wõetu, nink perrast ne Rautpuu otsa mes raudu sisse olliwa jäänu nurme pääle wälja  kopputanu, nink temma wõtnu ne Rautpuu otsa ja pandnu paigale), nink tunnistanu noid Raudo eddesi ja taggasi, ni kui ollessi minno, ent ei tija kuis tõttes tetta, lännu koddo ja toonu no wanna mahha raijotu Rautpu otsa, ja nakkanu noid sünnitama, nink sündinuwa konnagi kui omma noide Raudu püdsa sisse mes Johan Kuhhi sinna olli toonu, kui  kunnagi omma, sis lännu Johan Kuhi poole /sest temma ollu säält ärra koddo lännu/ ja küssinu kost sinna ollet no mulguga Künni Rawwa saanu, selle pääle üttelnu J. Kuhhi omma rautpuu otsast leije õkwa mahha, ja wõtnu sisamma rautpuu, nink lännuwa jälle seppa poole, nink sünnitanuwa otsa, ent olla mitte sündinu, sis üttelnu J. Kuhhi teist kõrd, ah na omma too Rautpuu otsast mes mull süggise katski läts, noid raudo wõiwa minnol, minno wanna sullase tunnistada, kes neidega tööd omma tennu, nimmelt, Jaan Wagga om neid raudo essi seppa man lasknu jakko panda, nink Jaan Kirrep om neide rauduga kündnu.

Kutsuti ette Johan Kuhhi ja sai kaibus ette loetus, kes selle pääle ütles, ne omma minno omma rawwa selle mann woi minna mes tahhes üttelda, kolm aastad aiga kui minna no rawwa tetta laskse.

Kutsuti ette tunnistaja Jaan Wagga, ja sai kohto poolt küssitus neide raudu perrast, kes selle pääle ütles, kas minnul nüüdgi õige meelen om, ni paljo minna tija ja woi üttelda, et üttel rawwal om mulk pääl püdse sissen, ja tollsammal rawwal sai jak seeni kui püdse sisse pantus, ja too jakko ots jäi weidikenne korgemba, sis wõtti minna essi wassara, ja leije pinniga todda jakko otsa alla poole ni et täwweste wassara pinni jälle sinna jakko otsa sisse jäijewa, nink siski es sa too jakko ots mitte häste liggi, muud minna ei tija, ja ei moista ka üttelda. 

Kutsuti ette teine tunnistaja Jaan Kirrep, nink sai ka küssitus, kes ütles, minna ei tija middagi üttelda, egga minnust es olle adra teggijat, minnole anti walmis adder kätte, nink es moista temmast middagi tähhele panda.

Otsus  Kohhus moistis, et tunnistusse perra ne märki kik ni selle rawwa küllen olliwa, ent kige ennamb, ne mahha raijotu puu otsa kik märke perra neide pütsikide sisse passisiwa, mes täwweste kohto poolt läbbi kaetus saiwa, Adam Raig´al rawa ent Johan Kuhhi jäije ilma trahwimatta selle, et mitte õige põhja pääle es woi saada kost Johan Kuhhi ne rawwa om saanu. 

Sai kohtomoistminne ja § 772. n: 773. kohton käujatelle ette loetus ent Adam Raig es olle sellega rahhul, kas temma terwe Adder, et arwas hendal liiga tettu ollewat, nink pallel Protokolli, mes kohhus es lubba anna.                    

Karraskij Kohtomajan sel 16al April 1876.

                                                      Eenistja, Jaan Tullus  XXX

                                                      Mannistja, Jakob Uibo  XXX

                                                      Man(n)istja, Jaan Leppason  XXX