Alexander Gerasim kaibas kohto een, et 3 näddälid aigo taggasi perremees Peter Rauba teddä om pesno ja päle selle wallale laskno, ja mant ärrä ajano 4 körd om Peter teddä lönod, 3 körd kollakoga ja 1 körd linna kurstiga ja Alexander Girasim ei pea tahtma nüüd ennämb taggasi teenmä mindä.

Peter Rauba käest sai küssitu, üttel temmä et sullane Alexander om linna rabbamisse mant 3 naela linno ärrä warrastano, mis Peter Rauba haina korjusest haino sissest kätte om sanod. Ja Peter Rauba üttel et temmä Alexandert mitte ei olle lönod, enge et Peter Rauba om teddä tõrrelno selle perräst et temmä linno om warrastano, om Alexander ka warsti ärrä länno.

Josep Wätson tunnistas, et Peter Rauba mitte Alexandert ei olle lönod enge et su sannaga ommawa kõnnelno mis Josep Wätson keik selgeste om kulu kui Peter teddä linna wargusse perräst om noomno; pessmissest helli eggä juttu ei olle olno.

Alexander üttel, et temmä linno ei olle mittewarrastano

Kohhus mõistis, et Alexander Gerasim peab Warsti perremehhe manno taggasi teenmä minnemä.

§773 om ette kulutedo.