Kohtu ette tulliwa kadunu Aadam Asja läsk Miina Asi ja wöölmöldred Aadami Asi Luteri usu ja kaibsiwa kohtu een, et Jaan Ketz ei maswat neile Hauka maja wälja mineki raha 240 Rubl. mes neil sääduse ja mõisa härra lubamise perra saada olewad, ja ostja J. Ketz oman kondraaden om lubanu kadunu Aadam Asja läsjale walja massa. pallessime kohut Jaan Ketz sundi seda nimitedu 240 Ruba wälja massa ja raha kinni pidamise eest 1 koppik Rubla päält kuu  eest protsenti.

Jaan Ketz Luteri usku wastutas selle kaebduse pääle, et see Hauka maja rendi kondradi aeg om mööda 23 Aprillil 1888 aastal kelle perast mina selle pääle midagi ei massa.

Mino ostetus kondradis seisab, et kui maja ja hooned korras om sis om õigus kaibust tõsta, et aga hooned ja nurmed korras ei ole nimelt laut ära mädänu ja kokko sadanu, meda kogokonna kohus ja walla walitsus üle om kaenu nissama om ka röä nurmed halwaste külwetud ja kõhnaste haritu meda ka kogu konna kohus ja walla walitsus üle om kaenu. Nii om Hauka maja nurmedese kulwetu rohkemb linna ja wähamb ristik haina mida kondrad mitte ei lubanud. Lina ja ristik haina nurme lasen mina weel (Kreis) maamõõtja ära mõõta  kui paljo linna rohkemb ja ristik wähamb ja nõnda sama ka röa nurmed ümbre mõõta kos ka rüga wähamb om ja ka kõhn. Kui kõik ümbre om mõõtetu ja kahju ara takseeritu sis hakan oma kahju tasumist kadunu Asi perijade käest nõudma. Aga Asi perijil ei ole minki sugust põhjust eest mineki raha nõuda selleperast, et neide rendi aig mööda om.

Aadam Asi ja Minna Asi wastutiwa selle kaibuse pääle, et nema ei olewa mitte J. Ketz käest rentnu waid mõisa härra käest ja maja om niisama kõrras kui sis kui J. Ketz ostis meda kogokonna kohus sügise üle om kaenu.

Kog. kohtu mõistmine:

J. Ketz peap mõisa härra üteluse perra Hauka maja peramitse aasta rent nimelt 240 Rubla kuu aja sisen wälja masma Aadam Asja perijadele.

Moistmine kuulutadi §§ 773 ja 774 pohjusel, sis es ole J Ketz sellega rahu waid palles opus lehte wälja edesi kaebamiseks.

Aadam Asi ja Miina Asi olliwa selle mõistmisega rahul.

Pea kohtunik J. Narusk

kohtumees T Weits

    d:  K. Jahu

Kirjotaja asemel J Katalsepp [allkiri]