Jaan Neider Ahjalt kes Wõbson kaupmees Parrindi mann kassokid om õmbleman olno kaibas kohto een, et Wõbsost Parkseppä meister Schurade teddä 20 Webroaril se om pühhü päiw öddago teddä om sängi päle risti lönod ja om akna lauda wasto kukrust pä katki lönod, ja lömisse aig om Schurade teddä käe rohhudest kindi wõtno. Pä om Werd josno, ja hamme ja west om werregä koon olno, mis kohto mann nättä olli.

Tannil Keller Wõbsost Parrindi sullane tunnistas et mis sääl om Jodikide assi olli, et Neider om ülle jõe kõrtsin olno ja säält om jobno koddo tulnu, ja om larmitseno selle perräst et teddä ülle jõe kõrtsiman peab ollema pesseto, ja om ähwärdäno Kaddaja Adami selle perräst et temmä om arwano et Kaddaja Adami olles pesjed palgano, ja om issi hambit närrino, ja Parrind om kasno teddä teed juwwa ja temmä ennämb ei olle jono kui 1/2 klaasi, ja siis päle selle om Jaan Neider Schuradel üttelno et sinna hulgus ja om ka weel paljo muide sannadega Schuradet sõimanno ja trotsno, selle päle om siis Schurade Jaan Neideri tougano, ja päle selle om nemmäd nänno et Neideri pä om taggast werrine olno, agga sust temmä pää werritses om sano, kas ülle jõe wõi sääl koddo seddä Tannil Keller ei tea ütteldä.

Schurade ei olle mitte Jaan Neideri lönod enge om õllast kindi wõtno ja Sängi päle tõugano.

Et Schurade siin ei olle jääs polele.