Hels Häidesk Jani tüttär Wõbsost tulli kohto ette ja kaibas, et kui temmä minnewä suwwel Lokkotajal Jaan Puksandi man näidsikon olno, om Jaan Puksandi poig Karli Puksand temmägä elläno sest sadik kui temmä senna om ellämä länno enne surt reedit nelja päiwä 1 näddal om Hels senna tüdrukus länno ellämä, se om 18 wõi 19 Märzil siis om warsti kui Hels sena om länno, om Karli temmägä kiusama hakkano, ja eddimält kui Karli temmä mann om käino, om enne suwwise pühhi 1 näddä olno arwato 1se Mai kuu päiwä päle, ja Jani päiwäni om temmä, temmägä elläno, ja sellest ellämissest ütten Karli Puksandiga om Hels rassedas jänod, ja om poig sanod, 21 Januaril 1872. Hels üttel et Karli teddä om ärrä lubbano naises wõtta, agga ei olle naises wõtno ja ei olle enne, ei ka nüüd päle lapse samisse middägi andno, Ja nüüd pallub Hels lapse kaswatamisse tarwis leibä ja toidust.

Karli Puksandi käest sai küssitu, üttel temmä: et se temmä laps ei olle, ja et temmä ei olle mitte temmägä suggusi elläno ja et temmä Helsest koggoni puhhas om, ja temmä mann ei olle käinud.

Et tunnistust es olle saiwa sud su wasto küssitu, üttel Hels et Karli wannemba om teisen tarren maggano, ja Hels om suren tarren pingi pääl ja Karli sängin maggano, siis om Karli Helse pingi päält sängi hendä manno winud.

Karli andis poisse ülles kes ka Helseman om käinowa maggaman.

Selle ülle kulamisse perräst jääs polele Josep Raudkütt, ja Josep Pabuski perräst.