Ette tulli Hindrik Isak ja kaibas, et Wastse-Kasseritsa Mõisawalitseja M. Käis tema tüttard Minnad karja man pesnu, tema nõudwat walu raha 25 Rbl. Kohtumees Peter Sillaots ollew tema tütre üle kaenu.

Wastut kaibuse pääle Mõisawalitseja M. Käis, et tema Hindrik Isaku tüttard Minnad pesnu ei ollew, enge kül selle lehma mõisa röa päält kinni wõtnu ja mõisahe weenu.

Hindrik Isakul es ole selle pesmise mani tunnistajat üles anda.

Kohtumees Peter Sillaots, kes Hindrik Isaku tütre Minna üle kaenu, üttel, et tema tundmise perra ollew kül Hindrik Isaku tüttard Minnad pessetu olnu, ja mõlemba põse olnu paistedu, ent kes seda tüttarlast pesnu, ei teedwat tema; üle kaemine sündinu tõisel päiwal peran pesmist.

Nema es lepi.

Otsus:

Wastse-Kasseritsa Mõisawalitseja M. Käis peap Hindrik Isakule tütre Mina eest walu raha 7 Rbl. masma 2 nädali aja sisen a dato.

See kohtu otsus sai kohtun käüjile kuulutedus prg. 773 ja 774 Sääduse raamatust 1860 aastast ära selletedus. Mõisawalitseja M. Käis nõwwap Appellationi.

Pääkohtumees: J. Kabist [allkiri]

Kohtumees: P. Sillaots [allkiri]

         "            P. Klais [allkiri]

M. Käisile Appellation wälja antu.