Teiselt, tulli ette Adam Mess, [omma Essa Jaan Mess'iga Krotussest, nink Kauba wöörmünder ehk tunnistaja Johan Hingus Karraskyst]  ja kaibas et temma ollewat Karraski, Tallo perremehhe Peter Plado´ga, teenistusse kaup tennu, leppitu olnu 25. rubla palka nink 5. rubla päärahha, se om ütte kokko 30 rubla ja Perremehhe reiwas, ja nüüd ollewat ärra ajanu, nink weel selle sõnnaga kui sinna ei lähha, sis kutsu minna Wallawannemba ja lasse sinno ärra ajada nink ni eddesi. 

Kutsuti ette Peter Plado, ja sai kaibus ette loetus, kes selle pääle ütles, ärra ajanu minna ei olle, kas minna säädust ei tija mes ärra ajamissest tullep, egga minna sis es olles wõtnugi kui minnol waja ei olles, ehk egga minna ärra ajamisse tarwis teenijat es wõtta, poisi omma Sõnna kuuldmatta ollemisse ja ilm lubbata ümbre jooskmisse perrast tullep sõnnutelleminne, nink ütlep sis et ärra ajetas.  

Minna wõi ka tunnistaja ülles anda kui kohhus nõwwap. 

(Otsus)  Ent leppisiwa essi henda wahhel ni kindmaste ärra, ja anniwa kohto een omma leppingo ülles, nink nimmelt poisi Adam´i Essa, Jaan Messi ütles minno poig Adam, jääp Peter Plado mannu taggasi, kui temma ei jõwwa ärra orjata, sis woi minna henda Kottust ehk poolt kuwwe innemissega, Peter Plado, orjust ärra waeldamissen ärra orjata, Ajastaig peap otsa tenistus saama. Ent perremees peap, egga orjatu ehk teenitu kuu est palk wälja eggakõrd massma.  Mes perremees Peter Plado ka henda poolt Kohto een lubbas täuta, ent teenija peap eggakõrd Leiwa Wannembidde käsku ilm wasta pannematta kuuldma.  nink lätsiwa rahhun ärra. 

                                                                         (Allkirri)