Ette tulli Jaan Michelson ja kaibas, et tema weli Peep Michelson tälle ütte tükki renditu maa eest 23 jala päiwa wõlgo ollew ja 1 wakka maa eest, mes Peep Michelson käen rohkemb kui leppitu pruuki ollew, renti 4 aasta eest a' 2 Rbl. Kokko 8 Rbl. Tema nõudwat neid päiwi tettus saada ja ka et see raha tälle mastus saas.

Wastut kaibuse pääle Peep Michelson, et temal Jaan Michelsonile üttegi päiwa wõlgo ei ollew jäänu, rendi perast wastut Peep Michelson, et seda maad rohkemb ei ollew kui neil lepitu olnu.

Kuna kaibajal ja kaiwatawal kummalgi määrastegi selget tunnistust ei ka lepingut neide renditu maa üle ette es ole panda selle perast sai selle kogukonna kohtu poolt tettus järgmane

Otsus:

Jaan Michelson kaibust tühjas arwata.

See kohtu otsus sai kohtun käüjile kuulutedus prg. 773 ja 774 Sääduse raamatust 1860 aastast ära selletedus. Jaan Michelson nõwwap Appellationi.

Pääkohtumees J. Kabist [allkiri]

Kohtumees P. Sillaots [allkiri]

     "              P. Klais [allkiri]

Appellation Jaan Michelsonile 4. Julil 1887 wälja antu.