Karli Menow Tositest kaibas kohto een wasto Hindrik Norruski, et Hindrik Norrusk puga teddä om lönod peipsi Jerwe weren kalla püigi perräst, et Hindrik om enne wõrgo sissi pandno ja päle selle om Karl Hindriko Wörko eest ärrä tahtno ajada selle päle om Hindrik teddä lönod, mõllembil peab üts õigus ollema püidi olno.

Hindrik Norruski käest sai küssitu, üttel temmä, et temmä om lönod poliko, mõrra wardaga selle eest et Karli temmä wõrgo wee seest wäljä wõtno ja eest ärrä om tahtno ajada teddä kalla püdmäst.

Karli Menow nõuwap selle lögi eest 100 rubla ehk säräne löök taggasi löwwä.

Kohhus mõistis, et Hindrik Norrusk peab Karli Menowil 3 rubla selle lögi eest masma ja Karli Menow massap 1 rubla selle eest et temmä ilma asjanda tülli om tenno waeste ladikus.

§773 om ette kulutedo