Karraskij Koggokonna Kohhus, Jusal sel 25.al Juni´l 1876.

Tulli ette Karrasky Moisa sullane Kristjan Prun ja kaibas et temmal ollewat teenistusse kaup kolme innemisse pääle tettu, minna essi põllo töö pääle, tüttar Kristin Kööki, nink poig Johan Ziggade karjusses, nüüd ollewat üts wõõras Zigga toodu, se olnu ärra kaonu kelle läbbi pahhandus om tulnu, nink wanna Jaan Sirach tulnu Talli mannu ja tennu temma teenistussest prii ehk wallale, sedda wõiwa tunnistada Michel Purmak nink Jaan Kõrw, ja nõudis Säädusse perra omma kahjo tassomist n:n:e:

Kutsuti ette wanna J. Sirach nink sai kaibus ette loetus, kes selle pääle ütles ärra ajanu ei olle minna mitte, sedda wõiwa tunnistada Moisa sullase Peter Luse ja Johan Aermel, ennegi na omma jo ni wasta panneja, roppu Suuga et ei woi ärra kannatada, nimmelt, Michel Purmak, Jaan Kõrw kige ennamb Kristjan Prun, tütre ta wõttis teenistussest ärra, essi ta lähhap ilma lubba küssimatta kohhe tahhap n:n.e. 

Kutsuti ette Kristjan Prun eddimänne tunnistaja Michel Purmak ja sai ärra ajamisse perrast küssitus, kes selle pääle ütles minna es panne õigede tähhele suure tülli sissen, ent kui talli poolt alla poole lätsime, sis üttel wanna J. Sirach taggast, kui ei tahha sõnna kuulda sis woit minna kike lastega. 

Kutsuti ette K. Prun teine tunnistaja Jaan Kõrw, sai ärra ajamisse perrast küssitus, kes selle pääle ütles, et wanna J. Sirach, ollewat üttelnu K. Prun´il sa woit minna kige perrega. 

Kutsuti ette Jaan Sirach eddimanne tunistaja, Peter Luuse, ja sai küssitus mes temma K. Prun ärra ajamisse  perrast woip üttelda, kes ütles et ärra ajamist minna mitte ei olle kuuldnu, müido tülli olli küll suur Zea poisi perrast et Zigga olli ärra kaonu, mes küll jälle kätte saije. 

Kutsuti ette Jaan Sirach teine tunnistaja Johan Aermel, ja sai nisama küssitus ärra ajamisse perrast, kes ka üttel nidasamma kui Peter Luusegi. 

Otsus   Kohhus moistis Jaan Sirach katte tunnistajatte ütlemisse perra, ent K. Prun tunnistjit es woi Kohhus mitte arwata sest et nemma essi ka Kohto Kaibuse all ommawa J. Sirach wasta, Kristjan Prun peap teenistusse jääma, ja sõnna kuulma, ne ärra widetu päiwa Mõisal ärra masma ni kui Kontrakti perra päiwa palk wälja teep, nink selle et omma õigust om pruukinu, massap waeste Laadi 3. rubla trahwi mes 8 1/2 päiwa sissen ärra massetu peap ollema. Sai kohtomoistminne ja § 772.n: 773. kohtun käüjatelle ette loetus, ent K. Prun es olle sellega rahhul et arwas hendal liiga tettu ollewat, ja pallel Protokolli mes kohhus es lubba anda. 

(L:S.)      Protokoll wälja antu sel 29al Juni 1876.

                                                          (Allkirri)