Wõbso külläst Wennemäält Kikka Maksim kaibas kohto een et temmä om Wõbsost maja mees Soldat Issak Jehwimowiga 1871 talwe kokko hakkano kauplema Issaki rehhe om olno ja kikka  Maksim keel selle perräst et Issak maa keelt ei olle mõistno kahjo ja kasso peab poles ollema leppito olno mis kauplemisse mant olles sanod, muido om keik kasso ärrä jaeto ja kätte sanod olno, agga 7 Punda kannepid om Issak ärrä sallano selle perräst om Kikka Maksim 5 Rubla 76 kop kahjo sanod olno mis Issak mitte temmäl ärrä ei olle masno, Se assi om 1871 talwe olno, ja 1872 talwe om weel Issak neid kannepid ärrä münod.

Issak Jehwimowi käest sai küssitu üttel temmä, et nemmäd peawa minnewä aastaja ollema rassot ärrä piddäno mittu körs, allati om iks pudus tulno ja neo kannepid ollewad nemmäd ärrä ollema jaggano hendä wahhel 3 1/2 punda ollewad neid kanneppid kumbagil olno sanud.

Issak Jehwimow üttel, et nemmäd ollewa kallimalt kannepid sissi ostno ja oddawamb ollewa ärrä müno selle perräst ei olle neil kasso sanod.

Kohhus mõistis: et Issak Jehwimow peab Kikka Maksimale 3 Rubla ärrä masma, ja 276 kop ja Maksima kahjus selle perräst et neil selget tunnistust ei olle.