Karraskij Koggokonna Kohhus Jusal 9.al Julil 1876.

Tulli ette minnewa aastane Leesmitti J. Seeme pooleterramees A. Kroon, ja kaibas temmal ollnu J. Seme´ga leppitu et mitte üts wõõras ei tohhi Leesmitti Tallo Linnaleotussen linno leotada, nink perrast om ommetegi wõõral lubbanu leotada, kelle läbbi wessi halwas lännu, ja temma, pandnu perran 12. koormat Linno sinna leotuste, lasknu 3. näddalit liggoda, wõtnu promi ja näüdanu J. Seeme´l na olluwa kõwwa kui witsa, sis lasknu weel 2. näddalit olla ni et 5. näddalit täüs saanu nink ei olle siski pehmes saanu, wimatti weddanu wälja laotanu mahha, warrajane külm ja lummi tulli pääle, eddimanne lummi läts ärra minna wõtti jälle promi, kuiwati, kolksi ja rabbasi, ent es kõlba ülles wõtta näüdasi J. Seeme´l, kes üttel oh egga lummi weel mahha ei jää, lasse weel olla nink ni jäiwa kigest talwes lumme alla, et säält midagi saija ei olle, ja nõüdis omma kahjo tassomist linnade est 100. rubla tunnistada woip meije linna leotusse leppingo ülle, Peep Rehha, ja nõüdis weel omma ilmasjata käigi est, kos J. Seme es olle kohto pääle tulnu, 1. rubla.

Kutsuti ette J. Seeme, sai kaibus ette loetus kes selle pääle ütles meije lepping olli nida, minna ütli A. Kroon´il, noo leotusse mes sinna hendal tarwitat sinna panne risti sisse, nink noid leotuisi ei olle minna ka mitte putnu kos risti sissen olliwa, teiselt lask A. Kroon linna, kakmisse aigo nurme pääl ärra kuijuda es wii ennembi likku, seeni kui kolme wakkamaa kik ärra kakkutus saije, sis weddas üttelisse likko, se teep paljo wälja kui linna kakmisse aigo wäega ärra kuiwap, ei liggone ka mitte pehmes, kolmandalt, kui eddimanne lummi ärra läts käsksi minna linno ülles wõtta, ent Adam Kroon es kuule minno käsko, nisamma teist ja kolmat kõrda mes ikkes A. Kron´ist täütmatta ehk täüdetus es sa seeni kui linna lumme alla jäiwa, nüüd tahhap ilma waiwata rahha saada, kos minnol õigus temma käest nõuda tullep et temma holetusse läbbi om kahjo sanu, nink nõwwa temma käest omma kahju 70. rubla.  Kohto päle es sa minna tulla, sest et minol haigus päle tulli, mina olli jo tee pääl tulemissel, ent es sa perrale. 

A. Kroon tunnistaja Peep Rehha tunnistus, mes Protokollin № 30. sest 16ast April s.a. kos sõnna nida käüwa, temma om mann olnu ja kuuldnu kui J. Seme, A. Kron´il üttelnu minnole ei puttu linna leotusse midagi, tee sinna ni kui essi arwat hää ollewat, muud ei tija minna midagi üttelda. 

Otsus   Kohhus moistis tunnistusse perra, et J. Seeme om omma linna leotusse leppingo murdnu, ehk ei olle piddanu, nink et A. Kron´il neljas jaggo neist linnost piddi saama, arwati neid linno 40.ne punna pääle, kost 20. punda J. Seeme´l piddi saama kontrakti perra, ja se teine 20. punda piddi neile pooles saama, se om kumbalkil 10. punda.  mille perrast kohhus se 25. rubla Kroon´ile moistis J. Seme käest, kos temmal lina murdmist nink puhhastamist ka ei olle olnu, nink peap Adam Kroonil, J. Seme käest weel saama 50. kop, ent J. Seeme wasta kaibust (kõnnelemist) nink nõudmist arwas kohhus tühjas, et mitte omma kõnne ja kässo andmisse ülle es woi tunistaijt ülles anda.

Sai kohtomoistminne ja § 772.n: 773. kohton käüjatelle ette loetus, ent mõllemba es olle rahhul et arwassiwa hendil liiga tettu ollewat nink pallelsiwa Protokoli mes kohhus ka lubbas anda.  Nink peap Adam Kroonil, J.Seme käest weel saama 50.kop et es ole kohto pääle tulnu.

Protokol wälja sel 13al Julil 1876.

                                                        (Allkirri)