Tulli ette J. Seeme, ja kaibas omma minnewa aasta pooleterramehhe A. Kroon pääle, et ei ollewat 3. Sülda püid mitte ärra raggonu egga wälja weddanu ni kui Kontrakt kässep, teiselt om weel maad jätnu kündmatta mes temmal olles weel künda tulnu, ja kolmandalt ei ollewat Posti-  ni kui Kerriko tee pääle mitte kruus ni ärra weetu, kui temmal olnu walmis weetu ja tettu, nink pallel kohhut tedda sundi, et saas temma poolt kik ärra täüdetus, ni kui om wasta wõtnu ehk lubbanu. 

Kutsuti ette A. Kroon, sai kaibus ette loetus kes selle pääle ütles, kuis J. Seme minno waiwas puuandmissega mes minnol leppingo perra saada olli, selle perrast es raiju nink es wea minna temmal ka mitte, teiselt ütles weidikenne jäije too ei massa sedda konnet mitte ja kolmandalt ütles minna olle nisamma paljo kruusa lasknu weddada, kui minnewa aasta minnole olli walmis weetu. 

Otsus   Kohhus moistis eesmalt, et A. Kroon om puu jätnu raggomatta ja weddamatta, massap A Kroon, J. Seeme´, egga sülla raijumisse est 50. kop. ja wälja weddamisse est 25 kop. teep ütte kokko sülla päält 75 kop: nink teep ülle kolme Sülla ütte kokko 2 rbl 25. kop. mes 8 paiwa sissen peap ärra massetu ollema, ja se teine ja kolmas ülles andminne arwas kohhus tühjas, et se assi kohtol tedmatta ja naitamatta olli. 

Sai kohtomoistminne ja § 772. n: 773. kohton kaijatel ette loetus, ent J. Seeme es olle sellega rahhul et arwas hendal liiga tettu ollewat nink pallel Protokolli mes kohhus es lubba anda. 

Protokol wälja antu 13al Juli 76.                                         (Allkirri)